![இன்றைய காலை தலைப்புச் செய்திகள்](http://media.assettype.com/puthiyathalaimurai%2F2024-06%2Ff40d1113-eb62-4924-9cdc-7cda0a9b234e%2Friver.png?rect=0%2C0%2C800%2C450&w=480&auto=format%2Ccompress&fit=max)
தேசிய ஜனநாயக கூட்டணியின் தலைவராக நரேந்திர மோடி ஒருமனதாக தேர்வு செய்யப்பட்டார். இந்நிலையில், அவர் நாளை மறுநாள் மீண்டும் பிரதமராக பதவியேற்க உள்ளதாக தகவல் வெளியாகியுள்ளது.
17வது மக்களவையை கலைக்க ஒப்புதல் வழங்கியதையடுத்து மத்திய அமைச்சர்களுக்கு இரவு விருந்து அளித்தார் குடியரசுத்தலைவர் திரெளபதி முர்மு.
பாஜகவின் மக்கள் விரோத போக்கை தொடர்ந்து எதிர்ப்போம் என I.N.D.I.A. கூட்டணிக் கட்சித்தலைவர்களுடனான ஆலோசனைக் கூட்டத்திற்கு பிறகு மல்லிகார்ஜூன கார்கே சூளுரை.
“I.N.D.I.A. கூட்டணி ஆட்சி அமைப்பதற்கான சாத்தியக்கூறுகள் தற்போது இல்லை. அமைதியாக அரசியலை கவனிப்போம்” என விசிக தலைவர் திருமாவளவன் பேச்சு.
ஆந்திர முதல்வராக பொறுப்பேற்கும் சந்திரபாபு நாயுடுவை நேரில் சந்தித்து வாழ்த்து கூறினார் முதலமைச்சர் மு.க. ஸ்டாலின். இந்நிலையில், டெல்லி விமான நிலையத்தில் இருவரும் பரஸ்பரமாக சந்தித்து கொண்டனர்.
புதுக்கோட்டை, தஞ்சை, கிருஷ்ணகிரி உள்பட மாநிலத்தின் பல்வேறு பகுதிகளிலும் கனமழை பெய்ததால், சாலைகளில் தண்ணீர் பெருக்கெடுக்க, வெப்பம் தணிந்து குளிர்ச்சியான சூழல் ஏற்பட்டது.
தமிழகத்தில் இன்று 13 மாவட்டங்களில் கனமழை பெய்ய வாய்ப்பு என்றும், 11ஆம் தேதி வரை மிதமான மழை பெய்யும் என்றும் வானிலை ஆய்வு மையம் கணித்துள்ளது.
திண்டுக்கல் மாவட்டம் நத்தம் அருகே ஆண்கள் மட்டுமே பங்கேற்ற விநோத திருவிழாவில், 200 கிடாக்களுடன் சுடச்சுட தயாரான கறிவிருந்தை பக்தர்கள் பகிர்ந்து உண்டனர்.
சர்வதேச விண்வெளி ஆய்வு மையத்திற்கு வெற்றிகரமாக புறப்பட்டார் இந்திய வம்சாவளி வீராங்கனை சுனிதா வில்லியம்ஸ். மூன்று முறை ஒத்திவைக்கப்பட்ட நிலையில், தற்போது அட்லஸ்வி ராக்கெட் மூலம் பயணம் மேற்கொண்டார்.
டி20 உலகக்கோப்பை தொடரை வெற்றிக் கணக்குடன் தொடங்கியது இந்திய அணி. முதல் போட்டியில் 8 விக்கெட்டுகள் வித்தியாசத்தில் அயர்லாந்தை வீழ்த்தி அசத்தல்.