![இன்றைய காலை தலைப்புச் செய்திகள்](http://media.assettype.com/puthiyathalaimurai%2F2024-06%2Fe92d01a8-a45a-461b-ae63-967da32f69e6%2Friver.png?rect=0%2C0%2C800%2C450&w=480&auto=format%2Ccompress&fit=max)
கடைசி கட்டமாக 7 மாநிலங்களில் உள்ள 57 தொகுதிகளில் வாக்குப்பதிவு நடைபெறவுள்ள நிலையில், இன்றுடன் நிறைவு பெறுகிறது மக்களவைத் தேர்தல்.
தேர்தலுக்கு பிந்தைய கருத்துக் கணிப்பு விவாதங்களில் பங்கேற்கப்போவதில்லை என காங்கிரஸ் அறிவித்துள்ள நிலையில், தோல்வி பயமே காரணம் என மத்திய அமைச்சர் அமித்ஷா விமர்சனம்.
விவேகானந்தர் மண்டபத்தில் 3ஆவது நாளாக தியானம் மேற்கொள்ளும் பிரதமர் மோடி. காவி உடையணிந்து, கையில் ருத்ராட்சம், நெற்றியில் விபூதியுடன் தியானம் செய்து வருகிறார்.
பிரதமர் மோடிக்காக விவேகானந்தர் நினைவு மண்டபத்தில் செய்யப்பட்டுள்ள ஏற்பாடுகள் என்னென்ன? என்பது குறித்த பிரத்யேக தகவல்களுடன் புதிய தலைமுறையின் சிறப்புக் காட்சிகள்.
பணியிடை நீக்கம் ரத்தான நிலையில் இன்றுடன் ஓய்வு பெறுகிறார் ஏடிஎஸ்பி வெள்ளத்துரை. மேலும், 2 வழக்குகளுக்காக பணப்பலன்களில் 5 லட்சம் ரூபாய் பிடித்தம் செய்யப்படும் என தமிழக அரசு அறிவிப்பு.
சென்னையை அடுத்த ஆவடியில் நள்ளிரவில் ஒரு வாரமாக இரவு நேரத்தில் தொடர் மின்வெட்டு ஏற்படுவதாக கூறி பொதுமக்கள் சாலை மறியல் போராட்டத்தில் ஈடுபட்டனர்.
புதுச்சேரியில் மதுபோதையில் விபத்து ஏற்படுத்திய இளைஞர் மீது தாக்குதல். காரணம் விபத்தை ஏற்படுத்திவிட்டு காரில் தப்பியோடியதால் பொதுமக்கள் ஆத்திரம்.
உ.பி., பீகார் உள்ளிட்ட வடமாநிலங்களில் வாட்டி வதைக்கும் வெயில் காரணமாக வெப்பவாதத்தால் ஒரே நாளில் 40 பேர் உயிரிழந்த சோகம்.
போக்குவரத்து விதிகளை மீறி வாகனம் ஓட்டியதாக பிரபல யூடியூபர் VJ சித்து மீது புகார் எழுந்தநிலையில், வீடியோ பதிவை ஆராய்ந்து நடவடிக்கை எடுக்கப்படும் என காவல்துறை விளக்கம்.
அமெரிக்காவில் நாளை தொடங்குகிறது டி20 உலகக்கோப்பை கிரிக்கெட் தொடர்.இன்று நடைபெறும் பயிற்சி ஆட்டத்தில் இந்திய அணி வங்கதேசத்துடன் மோதல்.