நாடாளுமன்ற குளிர்கால கூட்டத் தொடர் ஒருநாள் முன்கூட்டியே முடிவுக்கு வந்துள்ளது.
நாடாளுமன்ற குளிர்கால கூட்டத் தொடர் கடந்த மாதம் 29-ஆம் தேதி தொடங்கியது. புதிய வேளாண் சட்டங்களை ரத்து செய்யும் மசோதா, வாக்காளர் பட்டியலில் ஆதாரை இணைக்கும் மசோதாக்கள் இத்தொடரில் நிறைவேறின. இது தவிர செயற்கை கருத்தரித்தல் சிகிச்சை ஒழுங்குமுறை சட்டத்திருத்த மசோதாவும் இத்தொடரில் நிறைவேறியது. பெண்களின் திருமண வயதை 21 ஆக உயர்த்தும் மசோதா நாடாளுமன்ற நிலைக்குழுவின் பரிசீலனைக்கு அனுப்பப்பட்டுள்ளது.
