ஊழல் வழக்கு விவரங்களை வெளியிட வேண்டும்: மத்திய அரசுக்கு ஆர்.டி.ஐ அறிவுறுத்தல்

ஊழல் வழக்குகளை சந்தித்து வரும் அரசு அதிகாரிகள் குறித்த தகவல்களை பொதுத்தளத்தில் வெளியிட வேண்டும் என மத்திய அரசுக்கு தகவல் ஆணையம் அறிவுறுத்தியுள்ளது.

இது தொடர்பாக, தகவல் அறியும் உரிமைச்சட்டத்தின் கீழ், அசோக் குமார் ரெட்டி என்பவர் வழக்கு பதிவு செய்திருந்தார். அதனை ஏற்ற, தகவல் அறியும் உரிமைச் சட்டத்தின் ஆணையர் யஷோவர்தன் ஆசாத் இவ்வாறு அறிவுறுத்தியுள்ளார். ஊழல் வழக்குகளை சந்தித்து வரும் அரசு அதிகாரிகளின் பெயர்களை வெளியிடக் கூடாது என்றும், அதே நேரத்தில், எத்தனை பேர் ஊழல் வழக்குகளை சந்தித்து வருகின்றனர், அவர்களின் பதவி என்ன என்ற தகவலை வெளியிடலாம் என அறிவுறுத்தப்பட்டுள்ளது. மேலும், ஊழல் வழக்கு தொடர்பாக, இது வரை எத்தனை பேர் மீது நடவடிக்கை எடுக்கப்பட்டுள்ளது. எத்தனை வழக்குகளில் தீர்வு கிடைத்துள்ளது என்ற விவரங்களையும் வெளியிட உத்தரவிட்டுள்ளது.