டிவிட்டரில் இருந்து வெளியேறிவிட்டேன் என்று இயக்குனர் ராம் கோபால் வர்மா கூறியுள்ளார்.
டிவிட்டரில் பரபரப்பான கருத்துக்களை வெளியிட்டு சர்ச்சையில் சிக்குபவர் இயக்குனர் ராம் கோபால் வர்மா. ரஜினிகாந்த், மம்மூட்டி, சிரஞ்சீவி என பல பிரபலங்களை பற்றி சர்ச்சைக் கருத்துக்களை கூறிவிட்டு பிறகு, ’ஐயையோ நான் அந்த அர்த்தத்துல சொல்லல...’ என்று மறுப்புத் தெரிவிப்பார். ’இவருக்கு இதே வேலையா போச்சுப்பா’ என்று சொல்லுமளவுக்கு ஏகப்பட்ட வம்பு, தும்புகள் இவர் மேல் உண்டு. இந்நிலையில் டிவிட்டரில் இருந்து விலகுவதாக ராம் கோபால் வர்மா கூறியுள்ளார். அதே நேரம் இன்ஸ்டாகிராமில் தொடர்வேன் என்றும் தெரிவித்துள்ளார்.
