நாடாளுமன்ற குளிர்காலக் கூட்டத்தொடர் கடந்த நவம்பர் 29-ஆம் தேதி முதல் நடைபெற்று வருகிறது. கூட்டத் தொடரின் முதல் நாளில் காங்கிரஸ், திரிணாமூல் காங்கிரஸ், சிவசேனா, கம்யூனிஸ்ட் கட்சிகளை சேர்ந்த 12 நாடாளுமன்ற உறுப்பினர்களை அவையின் மீதமுள்ள நாட்களுக்கு இடைநீக்கம் செய்வதாக அவைத் தலைவர் எம்.வெங்கையா நாயுடு அறிவித்தார். இதற்கு எதிர்ப்பு தெரிவித்து நாடாளுமன்றத்தின் இரு அவைகளிலும் எதிர்க்கட்சிகள் அமளியில் ஈடுபட்டு வருகின்றனர். மேலும், சஸ்பெண்ட் செய்யப்பட்ட 12 எம்.பி.க்களும், நாடாளுமன்ற வளாகத்திலுள்ள காந்தி சிலை முன்பு தினமும் தர்ணா போராட்டம் நடத்தி வருகின்றனர்.
