அபுதாபி அருகே இந்துக் கோவில் கட்ட நிலம் வழங்கியதற்காக அபுதாபி இளவரசர் மொகமது பின் சையது அல் நயீனுக்கு பிரதமர் மோடி நன்றி தெரிவித்துள்ளார்.
அபுதாபியில் வசிக்கும் இந்துக்கள் தற்போது கோவில் வழிபாட்டுக்கு அங்கிருந்து 100 கிலோ மீட்டர் தொலைவில் உள்ள துபாய் சென்று வருகின்றனர்.
இதனிடையே அபுதாபியிலேயே இந்துக் கோவில் ஒன்று கட்டப்பட்டு வருகிறது. இந்தக் கோவிலுக்காக அபுதாபி அரசு நிலம் வழங்கியுள்ளது.
இந்நிலையில் குடியரசு தின விழாவில் பங்கேற்பதற்காக அபுதாபி இளவரசர் மொகமது பின் சையது அல் நயீன் டெல்லி வந்துள்ளார்.
பிரதமர் மோடியும் அபுதாபி இளவரசரும் இணைந்து பங்கேற்ற செய்தியாளர் சந்திப்பில் பேசிய மோடி, நாடு கடந்து வாழும் இந்தியர்களுக்கு கோவிலுக்கான நிலம் வழங்கியதற்கு அபுதாபி இளவரசருக்கு நன்றி தெரிவிப்பதாக கூறினார்.
