சமையல் எரிவாயு சிலிண்டர்களை ஆன்லைனில் பதிவு செய்து, பணம் செலுத்தினால் 5 ரூபாய் தள்ளுபடி அளிக்கப்படும் என எண்ணெய் நிறுவனங்கள் அறிவித்துள்ளன.
பண மதிப்பு நீக்க நடவடிக்கையின் தொடர்ச்சியாக ரொக்கமற்ற பரிவர்த்தனையை ஊக்குவிக்கும் வகையில் இந்த நடவடிக்கையை எண்ணெய் நிறுவனங்கள் அறிவித்துள்ளன. முன்னதாக, டெபிட் அல்லது கிரடிட் கார்டு மூலம் பெட்ரோல் பங்க்குகளில் பெட்ரோல், டீசல் நிரப்பும் வாடிக்கையாளர்களுக்கு 0.75 சதவீத தள்ளுபடி அளிக்கப்படும் என்று அறிவிக்கப்பட்டிருந்தநிலையில், ஆன்லைன் மூலம் பணம் செலுத்தினால் சலுகை என்ற அறிவிப்பு சமையல் எரிவாயு சிலிண்டர்களுக்கும் நீட்டிக்கப்பட்டுள்ளது.
