டானா புயல் முழுமையாக கரையைக் கடந்ததாக வானிலை ஆய்வு மையம் தெரிவித்துள்ளது. புயல் கரையைக் கடந்ததால், ரயில், விமானப் போக்குவரத்து சீராகியுள்ளது. மாநில அரசு மேற்கொண்ட முன்னெச்சரிக்கை நடவடிக்கைகளால், ஒரு உயிரிழப்புக் கூட ஏற்படாமல் பாதுகாக்கப்பட்டதாக ஒடிசா முதலமைச்சர் மோகன் சரண் மாஞ்சி தெரிவித்துள்ளார்.
தீவிர புயலாகவே டானா கரையைக் கடந்தாலும், புரி ஜெகன்நாத்தின் அருளாளும், அனைத்து துறையினரின் கடுமையான உழைப்பாலும் ஒரு உயிரிழப்புக் கூட ஏற்படாமல் காக்கப்பட்டிருப்பதாக மாஞ்சி குறிப்பிட்டுள்ளார். காற்றின் வேகம் முற்றிலும் குறைந்ததால், மீட்புப்பணிகள் முழுவீச்சில் நடைபெற்று வருகின்றன. சாலையில் விழுந்த மரங்கள் அகற்றப்படும் பணி நடந்து வருகிறது.
வெள்ளம் முற்றிலும் வடியும் வரை முகாம்களிலேயே மக்கள் தங்க வைக்கப்பட்டிருப்பர் என்றும் தெரிவிக்கப்பட்டுள்ளது.
