மும்பையைச் சேர்ந்த மருத்துவமனையில் துப்புரவுப் பணியாளரான அனிஷ் கைலாஷ் சவுகானுக்கு தலையில் காயம் ஏற்பட்டது. இதையடுத்து, அங்குள்ள செயின்ட் ஜார்ஜ் மருத்துவமனைக்கு அழைத்துச் செல்லப்பட்டார் அவர். ஆனால், அங்கிருந்த மருத்துவர்கள் அவரை உடனே பரிசோதிக்கவில்லை.
கிட்டத்தட்ட 3 மணி நேரத்திற்கும் மேலாக அவருக்கு சிகிச்சையளிக்கவில்லை எனக் கூறப்படுகிறது. இறுதியில் மருத்துவமனையில் இருந்த பயிற்சியாளர் ஒருவர் அவருக்கு சிகிச்சை அளிக்க அனுப்பப்பட்டுள்ளார்.
இதற்கிடையே, அவருக்கு உடனடியாக சிகிச்சை அளிக்காததால் அந்த நபர் இறந்துபோனார். இதனால் கோபமடைந்த அவரது உறவினர்களும் நண்பர்களும் மருத்துவமனையை முற்றுகையிட்டு எதிர்ப்பு தெரிவித்தனர். அனிஷின் இறப்புக்கு மருத்துவர்களே காரணம் எனவும் குற்றஞ்சாட்டினர். மரணத்திற்குப் பொறுப்பேற்க வேண்டியவர்கள் மீது கடுமையான நடவடிக்கை எடுக்கப்படும் வரை உடலை வாங்க மாட்டோம் எனவும் அவர்கள் தெரிவித்துள்ளனர். இதுதொடர்பாக போலீசார் வழக்குப் பதிந்து விசாரணை நடத்தி வருகின்றனர்.
