"இந்தியாவில் கொரோனா தொற்று அதிகமுள்ள மாவட்டங்களில் 6 முதல் 8 வாரங்களுக்கு முழு ஊரடங்கை நீட்டிக்க வேண்டும்" என இந்திய மருத்துவ ஆராய்ச்சிக் கவுன்சில் தலைவர் பல்ராம் பார்கவா தெரிவித்துள்ளார்.
இந்தியாவில் கடும் பாதிப்பைச் சந்தித்த டெல்லியில் பாதிப்பு சதவிகிதம் 35 இல் இருந்து 17 ஆக குறைந்துள்ள போதிலும், தற்போது உள்ள சூழலில் ஊரடங்கை விலக்கினால் அது பேரழிவாக அமைந்து விடும் என எச்சரித்துள்ளார். ஏப்ரல் 15 ஆம் தேதியே பாதிப்பு சதவிகிதம் 10 ஆக உள்ள மாவட்டங்களில் முழு ஊரடங்கிற்கு வலியுறுத்தியதாகவும், ஆனால் மத்திய அரசு முழு ஊரடங்கு என்பது கடைசி தீர்வாகவே இருக்கும் என கூறி விட்டதாகவும் பல்ராம் பார்கவா வேதனை தெரிவித்துள்ளார்.
