![இன்றைய காலை தலைப்புச் செய்திகள்](http://media.assettype.com/puthiyathalaimurai%2F2024-01%2F0cd253ec-1bf1-4527-9406-15ad3745c180%2Friver.png?rect=0%2C0%2C514%2C289&w=480&auto=format%2Ccompress&fit=max)
மக்களவை தேர்தலை முன்னிட்டு திமுக - காங்கிரஸ் இடையே தொகுதி பங்கீடு பேச்சுவார்த்தை... முதற்கட்ட ஆலோசனை சுமூகமாக நடந்ததாக தமிழக காங்கிரஸ் தலைவர் கே.எஸ்.அழகிரி பேட்டி.
“மகாத்மா காந்தியால் நாட்டுக்கு சுதந்திரம் கிடைக்கவில்லை என வன்மம் கலந்த நோக்கத்துடன் ஆளுநர் கூறியிருக்கிறார்” - முதலமைச்சர் மு.க. ஸ்டாலின் விமர்சனம்.
தமிழக கிராமங்கள் ஏழ்மை நிலையில் இருப்பதாக ஆளுநர் ஆர்.என்.ரவி வேதனை... மத்திய அரசின் திட்டங்கள் தமிழக மக்களை சென்றடைகிறதா என்றும் கேள்வி.
மக்களவை தேர்தலுக்கான தொகுதி பங்கீடு குறித்து அதிமுக இன்று ஆலோசனை. கூட்டணி கட்சிகளுக்கு ஒதுக்க வேண்டிய இடங்கள் குறித்து விவாதிக்க திட்டம்.
எடப்பாடி பழனிசாமியை அதிமுகவின் ஒன்றரை கோடி தொண்டர்களும் தூக்கி எறிவார்கள். முன்னாள் முதலமைச்சர் ஓ. பன்னீர்செல்வம் காட்டம்.
செஞ்சியில் ஒழுங்குமுறை விற்பனை கூடத்தில் ஒரே நாளில் குவிந்த 30 ஆயிரம் நெல் மூட்டைகள். போதிய இடவசதி இல்லாததால் நெல் மணிகளை திறந்த வெளியில் வைத்த விவசாயிகள்.
சத்தியமங்கலம் அருகே தகர கொட்டகையை சேதப்படுத்திய காட்டு யானை.
பீகார் மாநிலத்தில் பாஜக ஆதரவுடன் மீண்டும் ஆட்சியமைத்தார் நிதிஷ் குமார். பாஜகவின் விஜய்குமார் சின்ஹா மற்றும் சாம்ராட் சவுதரி துணை முதலமைச்சர்களாக பொறுப்பேற்பு.
பீகாரில் ஆட்டம் இன்னும் முடியவில்லை என ராஷ்டிரிய ஜனதாதளம் தலைவர் தேஜஸ்வி யாதவ் சூசகம். மக்கள் தங்கள் பக்கம் நிற்பதாகவும் பேட்டி.
இந்தியாவுக்கு எதிரான முதல் டெஸ்ட் கிரிக்கெட் போட்டியில், இங்கிலாந்து அணி 28 ரன்கள் வித்தியாசத்தில் வெற்றி