இந்திய விமானப்படை ஹெலிகாப்டர் தரையிறங்கும்போது கவிழ்ந்ததில் 6 பேர் காயமடைந்தனர்.
இந்திய விமானப்படைக்குச் சொந்தமான மி-17 ரக சரக்கு ஹெலிகாப்டர் ஒன்று உத்தரகாண்ட் மாநிலம் கேதர்நாத்துக்கு இன்று காலை வந்தது. அதில் இரண்டு விமானி உட்பட 6 பேர் இருந்தனர். ஹெலிபேடில் தரையிறங்கியபோது, திடீரென ஓரத்தில் இருந்த இரும்பு தூண் மீது ஹெலிகாப்டர் மோதி தரையில் விழுந்து கவிழ்ந்தது.
இதில் ஹெலிகாப்டரில் இருந்த 6 பேரும் காயமடைந்தனர். இதையடுத்து அங்கிருந்தவர்கள், அவர்களை மீட்டு மருத்துவமனைக்கு அனுப்பி வைத்தனர். விபத்து குறித்து விசாரணை நடந்து வருகிறது.
