2050-ம் ஆண்டில் இந்தியாவில் குப்பைகளைக் கொட்ட புதுடெல்லி அளவுக்கு இடம் தேவைப்படும் என்று தொழிற்துறை கூட்டமைப்பான அசோசம் தெரிவித்துள்ளது.
இத்தகைய நிலை உருவாகும் என்பதால், “இந்த நிலப்பரப்புகள் வேறு எதற்கும் பயன்படுத்த முடியாத நிலப்பகுதியாக இருக்கும். 2050-ல், 88 சதுர கிலோமீட்டர் நிலப்பரப்பு, அதாவது புதுடெல்லி முனிசிபல் கவுன்சில் நிர்வாகத்துக்குக் கீழ் இருக்கும் நிலப்பரப்பு அளவுக்கு குப்பைகளைக் கொட்ட இடம் தேவைப்படும்” என்று அசோசேம் மற்றும் கணக்கியல் நிறுவனமான பிடபிள்யுசி ஆய்வறிக்கையில் தெரிவித்துள்ளது.
இந்தியாவின் 50% மக்கள் தொகை நகரப் பகுதிகளிலேயே வாழும் நிலை 2050-ல் ஏற்படும் என்றும், கழிவு உற்பத்தி ஆண்டுக்கு 5% அதிகரிக்கும் என்றும் கணிக்கப்பட்டுள்ளது.
10 லட்சம் முதல் 50 லட்சம் வரை மக்கள் தொகை இருக்கும் முதல் வகுப்பு நகரங்கள் நாட்டின் மொத்த கழிவுகளில் 80% கழிவுகளை உற்பத்தி செய்யும் என்று அறிக்கையில் தெரிவிக்கப்பட்டுள்ளது.
