கொரோனாவின் கோரப்பிடியில் சிக்கி தவித்து வரும் இந்தியாவுக்கு உதவுமாறு ஹாலிவுட் சினிமா நடிகை ஜெனிபர் அனிஸ்டன் தனது ரசிகர்களிடம் கோரிக்கை வைத்துள்ளார். இன்ஸ்டாகிராம் ஸ்டோரி மூலம் இதனை அவர்கள் ரசிகர்களிடம் தெரிவித்துள்ளார். மொத்தம் மூன்று ஸ்டோரிகள் மூலம் இதனை அவர் தெரிவித்துள்ளார்.
“ஒவ்வொரு நாளும் இந்தியாவில் கொரோனா தொற்றின் தீவிரம் நாளுக்கு நாள் அதிகரித்து வருகிறது. ஒவ்வொரு நாளும் உலகளவில் தொற்று பாதிப்பில் அதிகம் பாதிக்கப்பட்ட நாட்டின் பட்டியலில் முதலிடம் வகிக்கிறது இந்தியா. இந்த போராட்டத்திற்கு எதிராக இந்தியாவிற்கு உதவ நம்மால் முடிந்த நிதியுதவியை நாம் அளிக்க வேண்டும். உங்களுக்கு தெரிந்த தளத்தில் இது குறித்த செய்தியை பகிருங்கள். முடிந்த வரை விழிப்புணர்வு கொடுங்கள்’ என அவர் தெரிவித்துள்ளார்.
இந்தியாவிற்கு வெளிநாடுகளை சேர்ந்தவர்கள் பல்வேறு விதமாக உதவி வருகின்றனர். நிதி, மருத்துவம் என அது நீள்கிறது.
