கோவா சட்டமன்ற தேர்தலுக்கான பாஜகவின் வேட்பாளர் பட்டியல் நாளை மறுநாள் வெளியிடப்படுகிறது.
40 சட்டமன்ற தொகுதிகளை கொண்ட கோவா மாநிலத்தில் தங்கள் கட்சி சார்பாக நிறுத்தப்படும் வேட்பாளர் பட்டியலை இறுதி செய்வதற்காக கோவா மாநில முதல்வர் பிரமோத் தலைநகர் டெல்லியில் பாரதிய ஜனதா கட்சியின் கோவா மாநில தேர்தல் பொறுப்பாளர்கள் தேவேந்திர பட்னாவிஸ் மற்றும் கிஷன் ரெட்டி ஆகியோருடன் ஆலோசனை நடத்தினார். அதன் பிறகு பத்திரிகையாளர்களை சந்தித்த பிரமோத், வரும் ஜனவரி 19ஆம் தேதி வேட்பாளர் பட்டியல் வெளியிடப்படும் என அவர் தெரிவித்தார்.
இந்தமுறை மொத்தமுள்ள 40 தொகுதிகளில் 38 தொகுதிகளில் பாரதிய ஜனதா கட்சி களமிறங்கும் என எதிர்பார்க்கப்படுகிறது.
