இதனால் சபரிமலையில் தினசரி தரிசனம் செய்யும் பக்தர்களின் எண்ணிக்கை சராசரியாக 40 ஆயிரத்தை கடந்து பதிவாகி வருகிறது. இந்நிலையில் ஞாயிறு விடுமுறை நாளான நேற்று அதிகாலையில் இருந்தே பக்தர்கள் கூட்டம் சன்னிதானத்தில் அதிகரித்திருந்தது. பம்பையில் இருந்து சன்னிதானம் வரும் பக்தர்கள் நடை பந்தலில் பல மணி நேரம் காத்திருந்து சாமி தரிசனம் செய்து வருகின்றனர். அப்பம், அரவணை உள்ளிட்ட பிரசாதம் வாங்கும் கவுண்டர்களும் பக்தர்கள் கூட்டம் அதிகரித்துள்ளது. பக்தர்களின் வருகை அதிகரித்திருப்பதை தொடர்ந்து அவர்களுக்கான பாதுகாப்பு ஏற்பாடுகள் மற்றும் அடிப்படை வசதிகள் செய்யும் பணி தீவிரப்படுத்தப்பட்டுள்ளது.
