புதிய மதுபான கொள்கை முறைகேடு வழக்கில் டெல்லி முதலமைச்சர் அரவிந்த் கெஜ்ரிவால் கடந்த வாரம் அமலாக்கத்துறை அதிகாரிகளால் கைது செய்யப்பட்டார். தொடர்ந்து 7 நாட்கள் விசாரணை காவலில் வைக்கப்பட்டுள்ளார். சிறையில் இருந்தவாறு துறை அமைச்சர்களுக்கு உத்தரவுகளை பிறப்பித்து வருகிறார் அரவிந்த் கெஜ்ரிவால்.
இந்நிலையில், இன்று டெல்லி சட்டமன்றத்தின் சிறப்பு கூட்டத் தொடர் கூடவுள்ளது. இதில் பொது சுகாதாரம் மற்றும் மருத்துவத்துறை சார்ந்த விவாதங்கள் நடைபெறும் எனவும் குறிப்பாக இலவச மருத்துவம், மொஹல்லா கிளினிக் இலவச சிகிச்சை உள்ளிட்ட திட்டங்கள் குறித்து விவாதிக்கப்படும் எனவும் அறிவிக்கப்பட்டுள்ளது.
இதனிடையே, தாம் கைது செய்யப்பட்டதை எதிர்த்து கெஜ்ரிவால் தொடர்ந்த வழக்கை டெல்லி உயர்நீதிமன்றம் இன்று விசாரிக்கிறது.
