சென்ட்ரல் விஸ்டா திட்டம் கிரிமினல் விரயம் என்று காங்கிரஸ் கட்சி எம்பி ராகுல் காந்தி கடுமையாக குற்றஞ்சாட்டியுள்ளார்.
இது குறித்து தன்னுடைய ட்விட்டர் பதிவில் " சென்ட்ரல் விஸ்டா திட்டம் கிரிமினல் விரயம். மக்களின் உயிருக்கும், வாழ்க்கைக்கும் முக்கியத்துவம் அளியுங்கள். புதிய வீட்டைப் பெறுவதற்காக உங்கள் கண்மூடித்தனமான அகங்காரத்துக்கு முக்கியத்துவம் அளிக்காதீர்கள்” என தெரிவித்துள்ளார்.
முன்னதாக நாட்டில் கரோனா வைரஸ் இரண்டாவது வது அலை தீவிரமாக இருக்கும் நிலையில் சென்ட்ரல் விஸ்டா திட்டத்தை மத்திய அரசு செயல்படுத்துவதற்கு காங்கிரஸ் உள்ளிட்ட எதிர்க்கட்சிகள் கடும் கண்டனம் தெரிவித்துள்ளன. மத்திய அரசு தன்னுடைய விஸ்டா திட்டத்தை ஒதுக்கி வைத்து மக்களின் நலன் மீது கவனம் செலுத்த வேண்டும், மருத்துவக் கட்டமைப்புகளை அதிகமாக உருவாக்கி மக்களின் உயிர்களைக் காக்க வேண்டும் என கோரிக்கை விடுத்துள்ளன.
