ஜம்மு காஷ்மீரில் எல்லையில் அத்துமீறிய பாகிஸ்தானுக்கு இந்திய ராணுவம் தகுந்த பதிலடி கொடுத்தது.
காஷ்மீர் எல்லையில் பாகிஸ்தான் படைகள் அடிக்கடி அத்துமீறி தாக்குதல் நடத்திவருகிறது. இந்த தாக்குதல் இப்போது அதிகரித்து வருகிறது. அதற்கு இந்திய படைகளும் தகுந்த பதிலடி கொடுத்து வருகின்றனர். இந்த மோதல் போக்கு காரணமாக எல்லை பகுதியில் வசித்துவரும் மக்கள் மிகுந்த அச்சம் அடைந்துள்ளனர்.
இந்நிலையில் நவ்ஷெரா பகுதியில் நேற்று நள்ளிரவு வேளையில் பாகிஸ்தான் படைகள், இந்திய நிலைகள் மீது தாக்குதல் நடத்தின. இதனை அடுத்து இந்திய ராணுவமும் பதில் தாக்குதல் நடத்தியது. சுமார் ஒரு மணி நேரம் இந்த மோதல் நீடித்தது. இதில் யாருக்கு என்ன சேதம் என்பது தெரிவிக்கப்படவில்லை.
