பீகாரில் பாஜக துணை தலைவரின் சகோதரர், தமக்கு மரியாதை அளிக்காத மருந்து ஆளுநரை சரமாரியாக அடித்து தாக்கிய சம்பவம் அதிர்ச்சியை ஏற்படுத்தியுள்ளது.
பீகார் மாநிலத்தைச் சேர்ந்த முன்னாள் அமைச்சரும், பாஜக துணை தலைவருமாக இருந்தவர் ரேணுகா தேவி. இவரின் சகோதரர் பினு என்பவர், மருந்து வாங்குவதற்காக பெட்டையா என்ற இடத்தில் உள்ள மெடிக்கல் கடைக்கு சென்றுள்ளார். அப்போது அவரைப் பார்த்து கடை ஊழியர் எழுந்து நிற்வில்லை.
இதனால் ஆத்திரமடைந்த பினு எழுந்து நிற்காத மருந்து கடை ஊழியரை சரமாரியாக அடித்து தாக்கியுள்ளார். இதுகுறித்த காட்சிகள் கடையில் இருந்த சிசிடிவியில் தெளிவாக பதிவாகியுள்ளது. அது தற்போது வெளியாகி பரபரப்பை ஏற்படுத்தியுள்ளது.
இதுகுறித்து ரேணுகா தேவி கூறுகையில், “தவறான செயல்பாடுகளை நான் ஆதரிப்பதில்லை. நீண்ட நாட்களாகவே பினு மற்றும் அவரது குடும்பத்தினருடன் நான் எவ்வித தொடர்பும் வைத்து கொள்ளவில்லை. எங்களுக்குள் எந்த பேச்சுவார்த்தையும் இல்லை. யார் தவறு செய்தாலும் தண்டிக்கப்பட வேண்டும். அது நானாக இருந்தாலும் கூட” எனத் தெரிவித்தார்.
