இந்திய விமானப்படை ஹெலிகாப்டர் நொறுங்கி விழுந்தில் அதில் பயணித்த 7 வீரர்கள் பரிதாபமாக பலியாயினர்.
இந்திய விமானப்படைக்கு சொந்தமான மி-17 வி5 ஹெலிகாப்டர், அருணாச்சல பிரதேசத்தில் இன்று அதிகாலை சென்றுகொண்டிருந்தது. அதில் 7 விமானப்படை அதிகாரிகள் இருந்தனர். சீன எல்லையின் அருகிலுள்ள, தவாங் பகுதியில் பறந்துகொண்டிருந்த போது திடீரென்று ஹெலிகாப்டர் விழுந்து நொறுங்கியது. இந்த திடீர் விபத்தில் அதில் இருந்த 7 பேரும் பலியாயினர். இவர்கள் அனைவரும் விமானப் பராமரிப்பு பிரிவு அதிகாரிகள் என்று கூறப்படுகிறது. விபத்துக்கான காரணம் உடனடியாகத் தெரியவில்லை. இதுபற்றி விசாரணைக்கு உத்தரவிடப்பட்டுள்ளது.
