முன்பெல்லாம் அதிகபட்சமாக 20% மட்டுமே சானிடைசர் பயன்படுத்தப்பட்டுவந்த நிலையில், கொரோனா வைரஸ் ஒரே வருடத்தில் சானிடைசர் பயன்பாட்டை நடைமுறைப்படுத்திவிட்டது. அரசாங்கமும் சானிடைசர், மாஸ்க் கட்டாயம் என்று கூறிவருகிறது. பணம் சம்பாதிக்கும் நோக்கத்தோடு பாதுகாப்பற்ற சானிடைசர்களை பலர் கடைகளில் விற்பனை செய்கின்றனர். கொரோனா பயத்தால் பொதுமக்களும் வாங்கிப் பயன்படுத்துகின்றனர். சானிடைசர்களை வாங்கும்போது அவை பாதுகாப்பானதா என்பதை தெரிந்துகொள்ள வேண்டும். சானிடைசர் மட்டுமல்ல; மற்ற எந்த சுத்தப்படுத்திகளை பயன்படுத்தும்போதும் கவனமாக இருக்கவேண்டும்.
நாம் அடிக்கடி சானிடைசர் மற்றும் க்ளீனர்களை பயன்படுத்துவதால் பொருட்களின் தன்மை மற்றும் தரமான பிராண்டுகளை தேர்ந்தெடுத்து வாங்கவேண்டும்.
நாம் கடைகளில் பார்க்கும் எல்லா பொருட்களுமே கிருமிகளின்மீது செயல்படும் என்று நாம் நினைக்கக்கூடாது. கடைகளில் அடுக்கி வைத்திருக்கும் ஒரே வகையான பொருட்களில்கூட 99%, 98% பயன் தரக்கூடியது என்று எழுதியிருப்பதை நம்மால் பார்க்கமுடியும். அவை உண்மையில் அதில் குறிப்பிட்டுள்ளபடி பயன் தருகிறதா என்பதை தெரிந்து வாங்கவேண்டும்.
சில சுத்தப்படுத்திகள் சரும பிரச்னைகளுக்கு வழிவகுக்கும். சில சுத்தப்படுத்திகளில் குறிப்பிட்டுள்ள ரசாயனங்கள் சருமத்தின்மீது மோசமான விளைவுகளை ஏற்படுத்தும் என்பது பலருக்கும் தெரிந்திருக்க வாய்ப்பில்லை.
இவற்றை கவனியுங்கள்!
