உலக அளவில் இன்றளவும் ஏராளமான எரிமலைகள் உயிர்ப்புடன் உள்ளன. அதில் மிகவும் முக்கியமான ஒன்றாக உள்ளதுதான் ஹாவாய் தீவு எரிமலை. அமெரிக்காவின் மேற்கே பசிபிக் பெருங்கடலையொட்டி அமைந்துள்ள ஹவாய் தீவில் மவுனா லோவா என்பதுதான் அந்த எரிமலை. இது உலகின் மிகப்பெரிய எரிமலை ஆகும். 38 ஆண்டுகளுக்கு பிறகு தற்போது இந்த எரிமைலையில் வெடிப்பு கடந்த டிசம்பர் மாதம் ஏற்பட்டது. பெரிய அளவிலான நிலநடுக்கங்களை தொடர்ந்து அந்த எரிமலை வெடிப்பு நிகழ்ந்தது. அதனை தொடர்ந்து கடந்த சில தினங்களுக்கு முன்பும் இந்த ஹவாய் தீவுப் பகுதியில் எரிமலையின் சீற்றம் அதிக அளவில் இருந்தது.
எரிமலை என்றால் என்ன? ஹவாய் தீவுப் பகுதியில் என்ன நடக்கிறது என்பதை இந்தப் பகுதியில் பார்க்கலாம்..
எரிமலை என்றால் என்ன?
எரிமலை என்பது புவியின் உட்புறத்திலுள்ள சூடான கற்குழம்பு, சாம்பல் வளிமங்கள் போன்றவை வெளியேறத்தக்க வகையில் புவி மேலோட்டில் உள்ள துவாரம் அல்லது வெடிப்பு ஆகும். மலைகள் அல்லது மலைகள் போன்ற அம்சங்களை ஒடு குறிப்பிட்ட காலகட்டத்திற்கும் மேலாக பாறைகளை வெளித்தள்ளும் நிகழ்வோடு எரிமலை நடவடிக்கை தொடர்புள்ளது. பொதுவாக டெக்டோனிக் அடுக்குகள் விலகுகின்ற அல்லது நெருங்குகின்ற இடங்களில் எரிமலைகள் காணப்படுகின்றன.
வால்கனோ என்ற சொல்!
வால்கனோ என்ற சொல் இத்தாலிய மொழியிலிருந்து பெறப்பட்ட ரோமானியர்களின் நெருப்புக் கடவுளான வால்கன் என்னும் பெயரிலிருந்து பெற்றதாகும்.
ஹவாய் தீவைப்பற்றி கேள்வி பட்டு இருக்கிறீர்களா?
இது ஒரு தீவுக்கூட்டம். அமெரிக்காவின் பசுபிக் கடற்கரையில் அமைந்திருக்கிறது.
ஹவாய் தீவில் உள்ள மௌனா கியா என்ற இடத்தில் 9000 கோடி செலவில் விண்வெளி தொலைநேக்கி ஒன்றை நிறுவ இந்தியா அமெரிக்கா கனடா, ஜப்பான், சீனா போன்ற நாடுகளின் தொடர் முயற்சியால் 4012 மீட்டர் உயரத்தில் இது அமையப் பெற்றது. விண்வெளி ஆராய்ச்சிக்காக இந்தியா, இத் தொலை நோக்கியை ஆண்டுக்கு 30 இரவுகள் பயன்படுத்திக்கொள்ளலாம்.
இத்தீவு எப்படி ஏற்பட்டது என்று தெரியுமா?
ஹவாய் தீவு எரிமலை செயல்பாட்டால் உருவாக்கப்பட்ட ஒரு தீவாகும், ஹவாய் தீவை சுற்றி, கிலாவியா, மௌனா லோவா மற்றும் லோய்ஹி உள்ளிட்ட பல எரிமலைகள் இன்னமும் உயிர்ப்புடன் உள்ளன. கிலாவியா உலகின் மிகவும் ஆக்டிவான எரிமலைகளில் ஒன்றாகும். 1983 முதல் தொடர்ந்து வெடித்து வருகிறது, கிலாவியாவின் மிக சமீபத்திய வெடிப்பானது 2018 இல் ஏற்பட்டது, அப்பொழுது அதிலிருந்து வெளி வந்த லாவா குழம்புகளால் அதனை சுற்றியுள்ள பல பகுதிக்கு சேதத்தை ஏற்படுத்தியது. இதில் வீடுகள் அழிக்கப்பட்டன. அதனால், குடியிருப்பாளர்கள் இடம்பெயர்ந்தனர்.
அப்போதிலிருந்து, இந்த எரிமலையை விஞ்ஞானிகள் மற்றும் ஆராய்ச்சியாளர்களால் தொடர்ந்து கண்காணித்துக்கொண்டிருக்கின்றனர். அவ்வாறு வெடித்து வெளிவந்த எரிமலைக் குழம்புகளால், அங்கு ஒரு புதிய தீவு ஒன்று உருவாகியது. அது தான் ஹவாய் தீவு. எரிமலைகளால் ஆபத்து இருந்தபோதிலும், ஹவாயில் உள்ள எரிமலைகள் நம்மை ஈர்க்கும் இயற்கை அதிசயங்களில் ஒன்று.
எரிமலையில் இருந்து எரிமலைக்குழம்புகள் மற்றும் சாம்பல் கசிவுகளுடன், பல மாதங்களாக வெடிப்பு நீடித்தது. இந்த வெடிப்பு இயற்கையின் சக்தி மற்றும் இயற்கை பேரழிவுகளுக்கு தயாராக இருக்க வேண்டியதன் அவசியத்தை நினைவூட்டுவதாக இருந்தது. தனித்துவமான தன்மை மற்றும் சுற்றியுள்ள சுற்றுச்சூழலில் ஏற்படக்கூடிய தாக்கம் காரணமாக இந்த வெடிப்பு குறிப்பிடத்தக்க ஊடக கவனத்தையும் விஞ்ஞான ஆர்வத்தையும் ஈர்த்தது.
அதன் தொடர்ச்சியான செயல்பாடு இருந்தபோதிலும், Kilauea கிலாவியாவால் உற்பத்தி செய்யப்படும் எரிமலைக்குழம்பு மிகவும் திரவமானது, நீண்ட தூரம் பயணிக்கக்கூடியது. ஆகையால், கடலுக்கு அடியில் ஒரு தீவையும், அதை சுற்றி, பள்ளதாக்கையும் ஏற்படுத்தியுள்ளது, இது ஹவாயின் மிக முக்கியமான புவியியல் அம்சங்களில் ஒன்றாகும்.
அதன் தனித்துவமான புவியியல் அம்சங்கள், கிலாயூயா கால்டெரா மற்றும் ஹலேமா' உமாயு பள்ளம் உட்பட, பல்வேறு இடங்களை பார்வையிட மலையேறுபவர்கள், புகைப்படக்காரர்கள் மற்றும் புவியியலாளர்கள் ஆகியோருக்கு இது ஒரு பிரபலமான இடமாக அமைகிறது.
இந்த எரிமலை ஹவாய் மக்களால் புனிதமானதாகக் கருதப்படுகிறது. இது ஒரு பிரபலமான சுற்றுலாத்தலமாகும்.
ஜெயஸ்ரீ அனந்த்
