பாதுகாப்பு முதல் வேளாண் துறை வரை.. கடந்தாண்டும்.. இந்தாண்டும்.. நிதிஒதுக்கீ்டு ஓர் ஒப்பீடு

மத்திய பட்ஜெட்டில் பல்வேறு முக்கிய துறைகளுக்கு நடப்பு நிதியாண்டிலும் அடுத்த நிதியாண்டிலும் ஒதுக்கப்பட்டுள்ள நிதி குறித்த ஒப்பீட்டை பார்க்கலாம்.

பாதுகாப்புத்துறை:

2021-22ஆம் நிதியாண்டில் அறிவிக்கப்பட்ட மத்திய பட்ஜெட்டில் பாதுகாப்புத்துறைக்கு 4 லட்சத்து 78 ஆயிரத்து 196 கோடி ரூபாய் நிதி ஒதுக்கீடு செய்யப்பட்டிருந்தது. இந்நிலையில், அடுத்த 2022-23ஆம் நிதியாண்டில் பாதுக்காப்புத்துறைக்கு சுமார் 46 ஆயிரம் கோடி ரூபாய் கூடுதலாக நிதி ஒதுக்கப்பட்டு 5 லட்சத்து 25 ஆயிரத்து 166 கோடியே 15 லட்சம் ரூபாய் நிதி ஒதுக்கப்பட்டுள்ளது.

2021-2022: 4,78,196
2022-2023: 5,25,166

வேளாண்துறை:

வேளாண் மற்றும் விவசாயிகள் நலன் துறைக்கு 2021-22ஆம் நிதியாண்டில் 1 லட்சத்து 31 ஆயிரத்து 531 கோடி ரூபாய் நிதி ஒதுக்கப்பட்ட நிலையில், அடுத்த நிதியாண்டில் அது ஒரு லட்சத்து 32 ஆயிரத்து 513 கோடியே 62 லட்சம் ரூபாயாக அதிகரிக்கப்பட்டுள்ளது.

2021-2022:1,31,531
2022-2023:1,32,513

ரயில்வே துறை:

ரயில்வே துறைக்கு நடப்பு நிதியாண்டில் 1 லட்சத்து 10 ஆயிரத்து 55 கோடி ரூபாய் நிதி ஒதுக்கீடு செய்யப்பட்ட நிலையில், அடுத்த நிதியாண்டில் அது1 லட்சத்து 40 ஆயிரத்து 367 கோடியே 13 லட்சம் ரூபாயாக உயர்த்தப்பட்டுள்ளது.

2021-2022: 1,10,055
2022-2023: 1,40,367

உள்துறை:

உள்துறைக்கு நடப்பு 2021-22ஆம் நிதியாண்டில் 1 லட்சத்து 66 ஆயிரத்து 547 கோடி ரூபாய் நிதி ஒதுக்கப்பட்ட நிலையில், அடுத்த நிதியாண்டில் ஒரு லட்சத்து 85 ஆயிரத்து 776 கோடியே 55 லட்சம் ரூபாயாக உயர்த்தி ஒதுக்கீடு செய்யப்பட்டுள்ளது.

2021-2022: 1,66,547
2022-2023: 1,85,776.55

தொலைத்தொடர்பு துறை:

தொலைத்தொடர்பு துறைக்கு நடப்பு நிதியாண்டில் 75 ஆயிரத்து 265 கோடி ரூபாய் நிதி ஒதுக்கப்பட்ட நிலையில், அடுத்த நிதியாண்டில் ஒரு லட்சத்து 5 ஆயிரத்து 406 கோடியே 82 லட்சம் ரூபாயாக அதிகரித்து அறிவிக்கப்பட்டுள்ளது.

2021-2022: 75,265
2022-2023:1,05,406.82

சாலை போக்குவரத்து துறை:

சாலை போக்குவரத்துத்துறைக்கு நடப்பு நிதியாண்டில் ஒரு லட்சத்து 18 ஆயிரத்து 101 கோடி ரூபாய் நிதி ஒதுக்கப்பட்ட நிலையில், அடுத்த நிதியாண்டில் ஒரு லட்சத்து 99 ஆயிரத்து 107 கோடியே 71 லட்சம் ரூபாயாக உயர்த்தி ஒதுக்கீடு செய்யப்பட்டுள்ளது.

2021-2022: 1,18,101
2022-2023: 1,99,107

நுகர்வோர் நலன்:

நுகர்வோர் நலன், உணவு பொதுவிநியோகத் துறைக்கு நடப்பு நிதியாண்டில் 2 லட்சத்து 56 ஆயிரத்து 948 கோடி ரூபாய் நிதி ஒதுக்கப்பட்ட நிலையில், அடுத்த நிதியாண்டில் அது 2 லட்சத்து 17 ஆயிரத்து 684 கோடியே 46 லட்சம் ரூபாயாக குறைத்து ஒதுக்கீடு செய்யப்பட்டுள்ளது.

2021-2022:2,56,948
2022-2023:2,17,684

கிராமப்புற வளர்ச்சித்துறை:

கிராமப்புற வளர்ச்சித் துறைக்கு நடப்பு நிதியாண்டில் ஒரு லட்சத்து 33 ஆயிரத்து 690 கோடி ரூபாய் நிதி ஒதுக்கீடு செய்யப்பட்ட நிலையில், அடுத்த நிதியாண்டில் அது ஒரு லட்சத்து 38 ஆயிரத்து 203 கோடியே 63 லட்சம் ரூபாயாக அதிகரிக்கப்பட்டுள்ளது.

2021-2022: 1,33,690
2021-2022: 1,38,203