கொரோனா தொற்று முடிவுக்கு வந்தபின்னர், அரசு வேலைவாய்ப்புகள் பற்றிய தொடர் அறிவிப்புகள் வெளிவந்துக்கொண்டிருக்கிறது. அப்படி சமீபத்தில் வந்த சில அரசு வேலை வாய்ப்புகளுக்கு விண்ணப்பிக்கும் கடைசி தேதி, இந்த வாரத்தில் வருகின்றது. அதுபற்றிய சின்ன தொகுப்பு இங்கே!
* வடகிழக்கு ரயில்வே
வடகிழக்கு ரயில்வே சார்பில் ஸ்போர்ஸ் கோட்டாவின் கீழ் குரூப்-சி பணியிடங்களுக்காக சில வேலைவாய்ப்புகள் அறிவிக்கப்பட்டுள்ளன. கடந்த மார்ச் 26-ம் தேதி காலை 11 மணிக்கு தொடங்கிய இத்தேர்வுக்கு விண்ணப்பிக்க, இன்றே கடைசி தேதி (ஏப்ரல் 25, 2022). இந்தத் தேர்வுக்கு 12-ம் வகுப்பு முடித்தவர்களே விண்ணப்பிக்கலாம். 12-ம் வகுப்பில் அறிவியல் முன்னிலை பாடமாக இருக்க வேண்டும். விண்ணப்பிப்பவர்கள், 18 முதல் 25 வயதுக்குட்பட்டவராக இருக்க வேண்டும்.
விண்ணப்பிக்க: ner.indianrailways.gov.in
* எஸ்.எஸ்.சி. எம்டிஎஸ் 2021
Multi Tasking (Non-Technical) Staff, and Havaldar (CBIC & CBN) ஆகிய தேர்வுகளுக்கான அறிவிப்புகளை மத்திய அரசின் ஸ்டாஃப் செலக்ஷன் கமிஷன் வெளியிட்டுள்ளது. இதற்கான விண்ணப்பங்கள் மார்ச் 22ம் தேதி முதல் ஆன்லைனில் கிடைக்கிறது. இதில் சி.பி.என்.-ன் MTS and Havaldar (வருவாய்த்துறையின் கீழ்) விண்ணப்பிக்க, 18 - 25 வயதுக்குள் இருக்க வேண்டும். ஹவில்தாரிலேயே சி.பி.ஐ.சி.-ன் கீழ் பணிக்கும், ஒருசில MTS பணிக்கும் விண்ணப்பிக்க 18 - 27 வயதுக்குள் இருக்க வேண்டும். முழுமையான விவரங்களுக்கு இங்கே க்ளிக் செய்யவும். இத்தேர்வுக்கு விண்ணப்பிக்க ஏப்ரல் 30, 2022-ம் தேதிதான் இறுதிதேதி. விண்ணப்பத்தில் திருத்தம் ஏதும் செய்ய வேண்டுமென்றால் அது மே 5 முதல் மே 9 வரை செய்யலாம்.
விண்ணப்பிக்க: ssc.nic.in
* யு.பி.எஸ்.சி ஐ.இ.எஸ் / ஐ.எஸ்.எஸ். 2022
யு.பி.எஸ்.சி. சார்பில் ஐ.இ.எஸ். / ஐ.எஸ்.எஸ் தேர்வுகளுக்கான விண்ணப்பங்கள் தொடங்கியுள்ளன. ஏப்ரல் 6-ம் தேதி முதல் இதற்கான விண்ணப்பங்கள் வரவேற்கப்பட்டுவரும் நிலையில், இதன் கடைசிதேதி விண்ணப்பம் ஏப்ரல் 26-ம் தேதியாக இருக்கிறது. ஏப்ரல் 26-ம் தேதி மாலை 6 மணி வரை விண்ணப்பிக்கலாம். முதலில் விண்ணப்பிப்பவர்களுக்கு, அவர்கள் கேட்கும் தேர்வு மையங்கள் கிடைக்க முன்னுரிமை அளிக்கப்படுமென தெரிவிக்கப்பட்டுள்ளது. இத்தேர்வின் முடிவில் ஐ.இ.எஸ்.-ல் 24 பணியிடங்களும்; ஐ.எஸ்.எஸ்-ல் 29 பணியிடங்களும் உள்ளதாக தெரிவிக்கப்பட்டுள்ளது. இத்தேர்வு 24 ஜூன் 2022-ல் நடக்குமென்றும் சொல்லப்பட்டுள்ளது.
விண்ணப்பிக்க: upsc.gov.in
* ஐ.பி. வேலைவாய்ப்பு 2022
இண்டலிஜன்ஸ் பியூரோ தரப்பில் 150 பணியிடங்களுக்கான வேலைவாய்ப்பு அறிவிக்கப்பட்டுள்ளது. துணை மத்திய புலனாய்வு அதிகாரி கிரேடு-II/தொழில்நுட்பம் 2022 கணினி அறிவியல் மற்றும் தகவல் தொழில்நுட்பத் துறைகளில் இந்த வேலைவாய்ப்பு அறிவிக்கப்பட்டுள்ளது. 150 பணியிடங்களில், 56 பணியிடங்கள் கணிணி அறிவியல் மற்றும் தகவல் தொழில்நுட்பத் துறைக்கும்; 94 மின்னணு மற்றும் தகவல் தொடர்பு துறைக்கும் ஒதுக்கப்பட்டுள்ளது. இத்தேர்வுக்கு விண்ணப்பிக்க மே 7ம் தேதி கடைசி நாள். விண்ணப்பிதாரர் 27 வயதுக்குள் இருக்க வேண்டும்.
விண்ணப்பிக்க: mha.gov.in or ncs.gov.in
* TNPSC குரூப் 4
தமிழ்நாடு அரசுப் பணியாளர் தேர்வாணையம் நடத்தும் குரூப் 4 தேர்வுக்கு விண்ணப்பிக்க இன்னும் 3 நாட்கள் மட்டுமே அவகாசம் உள்ளது. டிஎன்பிஎஸ்சி-ன் கீழ், `டிஎன்பிஎஸ்சி குரூப் 4 தேர்வு ஜூலை 24-ம் தேதி நடைபெறும்’ என்று தெரிவிக்கப்பட்டுள்ளது. இதற்காக மார்ச் 30 முதல் ஏப்ரல் 28-ம் தேதி வரை தேர்வுக்கு விண்ணப்பிக்கலாம் என்றும் டிஎன்பிஎஸ்சி தலைவர் கூறியிருந்தார். மொத்தம் 7,382 பணியிடங்களுக்கு நடத்தப்படும் இந்தத் தேர்வில், 81 பணியிடங்கள் ஸ்போர்ட்ஸ் கோட்டா மூலம் நிரப்பப்படுகின்றன. 7301 பணியிடங்களுக்கு போட்டித்தேர்வுகள் நடத்தப்படுகின்றன. ஜூலை 24-ம் தேதி காலை 9.30 மணி முதல் 12.30 மணி வரை தேர்வு நடைபெற உள்ளது. மொத்தம் 200 கேள்விகள், 300 மதிப்பெண்களுக்கு கேட்கப்பட உள்ளது. அக்டோபர் மாதம் முடிவுகளை வெளியிட டிஎன்பிஸ்சி முடிவு செய்துள்ளது.
விண்ணப்பிக்க: tnpsc.gov.in/English/Notification.aspx
