ஒடிசாவில் போதிய வரதட்சணை தராத மருமகளை நிர்வாணமாக்கி, மாமியார் தாக்கிய காட்சிகள் சமூக வலைதளங்களில் வெளியாகி அதிர்ச்சியை ஏற்படுத்தியுள்ளது. தப்பியோடிய மாமியாரை காவல்துறை தேடி வருகிறது.
ஒடிசாவின் கேந்திரபாரா மாவட்டத்தில் 24 வயது பெண் ஒருவர், போதுமான வரதட்சணை வழங்காத காரணத்தால் மாமியாரால் நிர்வாணமாக தாக்கப்பட்டுள்ளார். இந்த சம்பவத்தின் காட்சிகள் சமூக ஊடகங்களில் வைரலாகிவிட்டதாக காவல்துறை அதிகாரி ஒருவர் தெரிவித்தார். பாதிக்கப்பட்ட பெண்ணின் மாமா உள்ளூர் காவல் நிலையத்தில் புகார் அளித்துள்ள சூழலில், இந்த விவகாரம் குறித்து விசாரணை தொடங்கப்பட்டுள்ளது.
மாவட்டத்தில் நிகிராய் காவல் நிலைய ஆய்வாளர் காபுலி பாரிக் கூறுகையில், பாதிக்கப்பட்ட பெண்ணின் வாக்குமூலம் பதிவு செய்யப்பட்டுள்ளது, குற்றம்சாட்டப்பட்ட மாமியார் கிராமத்தை விட்டு வெளியேறிவிட்டதாகவும், குற்றவாளிகளை பிடிக்க சிறப்பு போலீஸ் குழு அமைக்கப்பட்டுள்ளதாகவும் கூறினார்.
