பீகார் மாநிலம் சஹர்சா மாவட்டத்தில் உள்ளது கர் அமிர்தா கிராமம். இங்கு சமீபத்தில் 3 எருமை மாடுகள் காணாமல் போயுள்ளதாக கூறப்படுகிறது. இந்த நிலையில் கடந்த 29-ம் தேதி இக்கிராமத்தில் நள்ளிரவில் இரு இளைஞர்கள் சுற்றி வந்துள்ளனர். இதையறிந்த அக்கிராம மக்கள் கும்பலாகக் கூடி அந்த இருவரை கால்நடை திருடர்கள் எனக்கருதி சராமாரியாக தாக்கினர். இதையடுத்து இரு இளைஞர்களும் படுகாயங்களுடன் மருத்துவமனையில் அனுமதிக்கப்பட்ட நிலையில், அவர்களில் ஒருவர் உயிரிழந்தார். மற்றொருவரின் உடல்நிலைமை கவலைக்கிடமாக உள்ளதாக கூறப்படுகிறது.
