தமிழ்நாட்டில் அரசு பாலிடெக்னிக் கல்லூரிகளில் காலியாக உள்ள 1,060 விரிவுரையாளர் பணியிடங்களை நிரப்புவதற்கான கணினி வழி தேர்வு நடைபெற்று வருகிறது. புதன்கிழமை நடைபெற்ற தேர்வின் வினாத்தாள், தேர்வு முடிந்த 15 நிமிடத்தில், ஒரு வெள்ளை காகிதத்தில் எழுதப்பட்ட நிலையில், சமூக வலைத்தளங்களில் பரவியது. இதுகுறித்து விசாரணை நடத்திய ஆசிரியர் தேர்வு வாரியம், நாமக்கல்லில் தேர்வு எழுதியவர், வினாக்களை பதிவு செய்து வந்து, தேர்வுக்குப் பின்னர் சமூக வலைதளங்களில் பரப்பியதை கண்டறிந்தது.
