கடந்த 2020ஆம் ஆண்டு ஜோ மைக்கேல் என்பவரை தாக்க திட்டமிட்ட வழக்கிலும், கடந்த 2019 ஆம் ஆண்டில் நட்சத்திர விடுதியில் மேலாளரை மிரட்டிய விவகாரத்திலும் இரண்டு வழக்குகள் பதிவு செய்யப்பட்டிருந்தது. இந்த 2 வழக்குகளிலும் போலீசார் எழும்பூர் நீதிமன்றத்தில் குற்றப்பத்திரிகை தாக்கல் செய்துள்ளனர். குற்றப்பத்திரிக்கை தாக்கல் செய்ததையடுத்து இன்று சட்ட விதிப்படி கைது நடவடிக்கையை மேற்கொண்டனர். அதன் அடிப்படையில் புழல் சிறையில் இருக்கும் நடிகை மீரா மிதுன் கைது செய்யப்பட்டு சென்னை எழும்பூர் நீதிமன்றத்தில் ஆஜர்படுத்தினர்.
சென்னை எழும்பூர் 14 வது குற்றவியல் நீதிமன்றத்தில் ஆஜர்படுத்தப்பட்ட மீராமிதுன் மாஜிஸ்திரேட் முன் கதறி முறையிட்டார். காவல் துறையினர் தன் மீது வழக்குகள் போட்டு தற்கொலைக்கு தூண்டுவதாக நீதிபதி முன்பு முறையிட்டுள்ளார். எழும்பூர் காவல்துறையினர் இந்த வழக்குகள் குறித்து முறையாக தகவல் தெரிவிக்கவில்லை எனவும் தெரிவித்தார்.
