சென்னை குன்றத்தூர் அருகே சாலையில் நடந்து சென்ற பெண்ணிடம் நகையை பறித்துச் செல்லும் காட்சி கண்காணிப்பு கேமராவில் பதிவாகியுள்ளது.
குன்றத்தூர் ராகவேந்திரா நகர் பகுதியில் ஆளரவம் அற்ற சாலையில் அசோக் குமார், ஜெயஸ்ரீ தம்பதி நேற்று மாலை 5 மணியளவில் நடந்து சென்று கொண்டிருந்தனர். அப்போது எங்கிருந்தோ வந்த திருடன் ஒருவன் ஜெயஸ்ரீ கழுத்தில் இருந்த நகையை பறித்துச்சென்றான்.
இந்த திடீர் நிகழ்வால் அதிர்ந்து போன ஜெயஸ்ரீ நிலைதடுமாறி கீழே விழுந்தார். இதற்கிடையில் திருடன் தப்பி ஓடிவிட்டான். கொள்ளை சம்பவம் குறித்து தம்பதிகள் அளித்த புகாரின் பேரில் சிசிடிவி பதிவுகள் அடிப்படையில் குன்றத்தூர் போலீசார் விசாரணை நடத்தி வருகின்றனர்.
