டெல்லியில் 2 மாத குழந்தையை கொன்ற தந்தை கைது செய்யப்பட்டார்.
டெல்லியை சேர்ந்தவர் குமார் (பெயர் மாற்றப்பட்டுள்ளது). வயது 17. இவருக்கும் அதே பகுதியை சேர்ந்த லதா (பெயர் மாற்றப்பட்டுள்ளது) என்ற பெண்ணுக்கும் கடந்த ஒருவருடத்திற்கு முன் திருமணம் நடைபெற்றுள்ளது. தற்போது தம்பதியினருக்கு இரண்டு மாத குழந்தை ஒன்று உள்ளது. ஆனால் அந்த குழந்தை தனக்கு பிறக்கவில்லை என மனதளவில் கருதி வந்திருக்கிறார் குமார். மனைவி லதாவிற்கு வேறு ஒரு ஆணுடன் தொடர்பு இருப்பதாக சந்தேகித்த குமார், அந்த ஆணுக்குதான் இந்த குழந்தை பிறந்ததாக கடுமையாக சந்தேகம் அடைந்துள்ளார். அதனால் அந்த குழந்தையை பார்க்கும் நேரமெல்லாம் குமாருக்கு தேவையில்லாத மன உளைச்சலும், ஆத்திரமும் ஏற்பட்டிருக்கிறது. இந்நிலையில் மனைவி வீட்டிலிருந்து வெளியே சென்ற சமயம் பார்த்து, இரண்டு மாத குழந்தை என்றும் பாராமல் குழந்தை முகத்தின் மீது கடுமையாக குத்தியிருக்கிறார். குழந்தை வலியால் அழுதும், இரக்க குணம் இல்லாத குமார் மீண்டும், மீண்டும் குத்தியதில் குழந்தை பரிதாபமாக உயிரிழந்தது.
வெளியே சென்ற லதா வீடு வந்த பார்த்தபோது குழந்தை அசைவின்றி கிடந்துள்ளது. இதனையடுத்து குழந்தையை மருத்துவமனைக்கு கொண்டு சென்றபோது குழந்தை ஏற்கனவே உயிரிழந்துவிட்டதாக மருத்துவர்கள் தெரிவித்துள்ளனர். இதனையடுத்து தனது கணவர் மீது லதா அளித்த புகாரின் அடிப்படையில் குமாரை போலீசார் கைது செய்தனர்.
