திமுக முன்னாள் அமைச்சர் கே.என்.நேருவின் தம்பி ராமஜெயம் கொலை தொடர்பாக, திருச்சி மத்திய சிறையில் கைதிகளிடம் விசாரணை நடைபெற்றது.
இந்த கொலை வழக்கு தொடர்பாக சிபிசிஐடி போலீசார் 8 தனிப்படை அமைத்து விசாரணை மேற்கொண்டு வருகின்றனர். இந்நிலையில், மத்திய சிறையிலுள்ள சில கைதிகளிடம் இந்த வழக்கு தொடர்பாக விசாரித்துள்ளனர். மேலும், இந்த வழக்கு தொடர்பாக ஏதேனும் தகவல்கள் இருப்பின் அதை தங்களிடம் தெரிவிக்குமாறு டிஎஸ்பி கிருஷ்ணன் பொதுமக்களுக்கும் வேண்டுகோள் விடுத்துள்ளார். அப்படி தெரிவிக்கும் பட்சத்தில் வழக்கை விரைந்து முடிக்க ஏதுவாக இருக்கும் எனவும் டிஎஸ்பி தெரிவித்துள்ளார். திமுக முன்னாள் அமைச்சர் நேருவின் தம்பி ராமஜெயம், கடந்த 2012ஆம் ஆண்டு, திருச்சி - கல்லணை சாலையில் அடையாளம் தெரியாத நபர்களால் கொல்லப்பட்டார்.
