ஹைதராபாத்தில் கொரோனாவால் பாதிக்கப்பட்ட கணவன் இறந்த சோகத்தை தாங்கிக்கொள்ளமுடியாத மனைவி மாடியிலிருந்து குதித்து தற்கொலை செய்துகொண்டுள்ளார்.
ஹைதராபாத்தின் சைனக்புரியில் உள்ள அம்பேத்கர் நகர் பகுதியில் இரண்டாவது தளத்தில் உள்ள ஒரு வாடகை வீட்டில் தனது கணவனுடன் வசித்து வந்திருக்கிறார் 55 வயது பெண்மணி. அந்தப் பெண்ணின் கணவருக்கு கொரோனா தொற்று உறுதி செய்யப்பட்டிருக்கிறது. அதனால் அங்கிருந்த சூப்பர் மார்க்கெட்டில் வேலைசெய்துவந்த அந்த பெண்ணையும் வீட்டில் தனிமைபடுத்தி இருந்திருக்கின்றனர். கொரோனாவால் பாதிக்கப்பட்ட கணவனை அந்த பெண் கவனித்து வந்திருக்கிறார். ஆனால் நிலைமை மோசமாகவே வியாழக்கிழமை அந்த நபர் உயிரிழந்துள்ளார்.
குழந்தைகளும் இல்லாத தனக்கு ஆதரவாக இருந்த கணவனின் இழப்பைத் தாங்கிக்கொள்ளமுடியாத அந்தப் பெண் இரண்டாவது மாடியிலிருந்து கீழே குதித்து தற்கொலை செய்துகொண்டார். பலத்த அடிபட்டதால் சம்பவ இடத்திலேயே அந்த பெண் உயிரிழந்துள்ளார்.
