மகாராஷ்ட்ராவில் சந்திரபூர் என்ற மாநகராட்சியில் கொரோனா தடுப்பூசி போட்டுக்கொள்ள மக்களை ஊக்கப்படுத்தும் வகையில், நவம்பர் 12 முதல் 24 வரை தடுப்பூசி போடுவோருக்கு மாநகராட்சி சார்பில் பரிசுகள் அறிவிக்கப்பட்டுள்ளன.
சந்திரபூர் மாநகராட்சி சார்பில் வெளியிடப்பட்ட அந்த அறிக்கையில், தடுப்பூசி போடுவோருக்கு எல்.இ.டி. டிவி-க்கள், ஃப்ரிட்ஜ், வாஷிங் மெஷின், மிக்சர் கிரைண்டர் உள்ளிட்ட பல பரிசுகள் அறிவிக்கப்பட்டுள்ளன. இதுவரை சந்திரப்பூரில் 1,93,581 குடிமக்கள் தடுப்பூசி போட்டிருப்பதாகவும், அவர்களில் 99,620 பேர் இரு டோஸ் தடுப்பூசி போட்டிருப்பதாகவும் மாவட்ட நிர்வாகம் தெரிவித்துள்ளது.
அம்மாநகர மேயர் ராக்கி சஞ்சயின் ஆலோசனை கூட்டத்துக்குப் பின்னர் இந்த முடிவு எடுக்கப்பட்டிருப்பதாக கூறப்பட்டுள்ளது.
