விஜய் நடிக்கவுள்ள ‘தளபதி 63’ திரைப்படத்தின் படப்பிடிப்பு வரும் 21-ஆம் தேதி தொடங்கவுள்ளதாக தகவல் வெளியாகியுள்ளது
‘சர்கார்’ படத்திற்குப் பிறகு விஜய் நடிக்கவுள்ள திரைப்படம் ‘தளபதி 63’.பெயரிப்படாத இந்தப் படத்தினை அட்லி இயக்குகிறார். இவர் ஏற்கெனவே ‘தெறி’, ‘மெர்சல்’ உள்ளிட்ட இரண்டு படங்களை விஜய்யை வைத்து இயக்கி உள்ளார். வசூல் ரீதியாக மிகப் பெரிய வெற்றியை இந்த இரு படங்களும் ஈட்டின.
‘தளபதி 63’ திரைப்படத்தை ஏஜிஎஸ் எண்டர்டெய்ன்மெண்ட் நிறுவனம் தயாரிக்கிறது. விஜய்க்கு ஜோடியாக நடிகை நயன்தாரா ஒப்பந்தமாகி இருக்கிறார். இதன் மூலம் பெரிய இடைவெளிக்குப் பிறகு நயன்தாரா விஜய்க்கு ஜோடியாக இணைகிறார்.
இந்நிலையில், ‘தளபதி 63’ படத்தில் விஜய், கால்பந்து பயிற்சியாளராக நடிக்கிறார் என்று தகவல் வெளியாகின. இதற்காக, கால்பந்து பயிற்சியையும் அவர் தொடங்கியதாகவும் கூறப்படுகிறது. இந்த திரைப்படத்தில் கதிர், விவேக் உள்ளிட்டோர் நடிப்பதாக படக்குழு தெரிவித்துள்ளது.
இந்நிலையில் இப்படத்தின் படப்பிடிப்பு வரும் 21-ஆம் தேதி தொடங்கவுள்ளதாக தகவல் வெளியாகியுள்ளது. இந்தப்படம் வரும் தீபாவளிக்கு வெளியாக வாய்ப்புள்ளதாக ஏற்கெனவே தகவல் வெளியான நிலையில் படக்குழுவிடம் இருந்து படப்பிடிப்பு தொடர்பான அதிகாரப்பூர்வ அறிவிப்பு ஏதும் வெளியாகவில்லை.
