‘தளபதி62’ படத்தின் ஃபர்ஸ்ட் லுக் வெளியாகியுள்ளது. அத்துடன் படத்தின் தலைப்பு ‘சர்கார்’ என அறிவிக்கப்பட்டுள்ளது.
இயக்குநர் ஏ.ஆர்.முருகதாஸ் இயக்கியுள்ள திரைப்படம் ‘தளபதி62’. இந்தப் படத்தின் தலைப்பு மற்றும் ஃபர்ஸ்லுக் இன்று மாலை 6 மணிக்கு வெளியிடப்படும் என அறிவிக்கப்பட்டிருந்தது. கல்கத்தா, சென்னை உள்ளிட்ட பல இடங்களில் இதன் படப்பிடிப்பு நடைபெற்று வந்தது. இந்தப் படத்தில் ‘பைரவா’விற்கு அடுத்து விஜய்க்கு நடிகை கீர்த்தி சுரேஷ் ஜோடியாக நடித்துள்ளார். இவர்கள் இருவரும் இணைந்து பங்கேற்ற படப்பிடிப்பு காட்சிகள் சில தினங்கள் முன்பு சமூக வலைத்தளத்தில் வெளியானது.
நாளை விஜய்க்கு பிறந்தநாள். இதனையொட்டி ஏ.ஆர்.முருகதாஸ் இயக்கியுள்ள விஜய்யின் 62வது படத்தின் தலைப்பு இன்று மாலை 6 மணிக்கு வெளியிடப்பட்டுள்ளது. படத்தின் தலைப்பு ‘சர்கார்’. வெளியிடப்பட்டுள்ள ஃபர்ஸ்ட்லுக் போஸ்டரில், விஜய் கறுப்பு நிற உடையுடன், கூலிங் கிளாஸ் அணிந்துள்ளார். சால்ட் அண்ட் பெப்பர் தாடி வைத்துள்ளார். அத்துடன் காதில் ஒரு கறுப்புக் கடுக்கன், கையில் ஒரு லைட்டருடன் வாயில் கறுப்பு சிகரெட்டும் புகைக்கிறார். அவருக்கு பின்புறத்தில் நகரத்தின் இரவு நேரம் காட்சியாக்கப்பட்டுள்ளது.
