தொகுப்பாளினி டிடி-யின் நடிப்புத் திறமையை கண்டு வியந்து போன நடிகர் தனுஷ் அவரை புகழ்ந்து தள்ளியுள்ளார்.
தொகுப்பாளினி டிடி எனும் திவ்ய தர்ஷினியை தெரியாதவர்கள் யாரும் இருக்கமாட்டார்கள்.. அந்த அளவிற்கு நிகழ்ச்சியை தொகுத்து வழங்குவதிலும் சரி.. சினிமா பிரபலங்களை பேட்டி காண்பதிலும் சரி செம கில்லாடி.
தனுஷ் இயக்குனராக அறிமுகமாகும் “பவர் பாண்டி” படத்தில் டிடி சிறப்பு வேடத்தில் வருகிறார். படத்தின் படப்பிடிப்பு ஏறக்குறைய முடிந்துவிட்ட நிலையில் டிடி சம்பந்தப்பட்ட காட்சிகளும் படமாக்கப்பட்டுள்ளது. படப்பிடிப்பு செட்டில் டிடி-யின் அசாத்தியமான நடிப்பை கண்டு தனுஷ் அசந்துபோய்விட்டார். அந்த அளவிற்கு வெகு சிறப்பாக தனக்கு கொடுக்கப்பட்ட கதாபாத்திரத்திற்கு ஏற்றவாறு, டிடி நடித்து அனைவரின் மனதிலும் இடம்பிடித்துள்ளார். இதுகுறித்து தனது ட்விட்டர் பக்கத்தில், டிடி மிக கெட்டிக்காரத்தனமாக எளிமையாகவும், நம்பிக்கையுடனும் தனக்கு கொடுக்கப்பட்ட கதாபாத்திரத்தில் நடித்துள்ளதாக தனுஷ் கூறியுள்ளார்.
பவர் பாண்டி படத்தில் ராஜ்கிரண், சாயாசிங் உள்ளிட்ட பலரும் நடித்துள்ளனர்.
