பல வருடங்களுக்கு பிறகு கமல்ஹாசன் மற்றும் மணிரத்னம் கூட்டணியில் உருவாகியிருக்கும் திரைப்படம் ’தக் லைஃப் (Thug Life)’. இத்திரைப்படத்தில் நடிகர்கள் கமல்ஹாசன், நாசர், சிலம்பரசன், ஜோஜூ ஜார்ஜ், அசோக் செல்வன், ஐஸ்வர்யா லட்சுமி என பல்வேறு திரை நட்சத்திரங்கள் நடித்துள்ளதால் படத்தின் மீதான எதிர்பார்ப்பு அதிகரித்துள்ளது. படத்திற்கு ஏ.ஆர்.ரஹ்மான் இசை அமைத்துள்ளார்.
கேங்ஸ்டர் பின்னணியில் உருவாக்கப்பட்டிருக்கும் தக் லைஃப் திரைப்படம் சென்னை, டெல்லி, ரஷ்யா, பாண்டிச்சேரி உள்ளிட்ட பல பகுதிகளில் காட்சிப்படுத்தப்பட்ட நிலையில், சில நாள்களுக்கு முன் முழுமையாகப் படப்பிடிப்பு நிறைவடைந்தது.
இந்நிலையில் தக் லைஃப் (Thug Life) திரைப்படமானது அடுத்தாண்டு ஏப்ரல் மாதம் திரைக்கு வர உள்ளதாக கூறப்படும் நிலையில், தற்போது படத்தின் ரிலீஸ் தேதி மற்றும் டீசர் நாளை வெளியிடப்படும் என அறிவிக்கப்பட்டுள்ளது.
நம்பவர் 7-ம் தேதியான நாளை நடிகர் கமல்ஹாசன் பிறந்தநாளை கொண்டாடவிருக்கும் நிலையில், தக் லைஃப் படத்தின் டீசர் நாளை வெளியிடப்படும் என அறிவிக்கப்பட்டுள்ளது.
படக்குழு அறிவித்திருக்கும் அறிவிப்பின் படி, கமல்ஹாசன் பிறந்தநாளை முன்னிட்டு நாளை நவம்பர் 7-ம் தேதி காலை 11 மணிக்கு தக் லைஃப் படத்தின் வெளியீட்டுத் தேதியுடன் கூடிய டீசர் வெளியிடப்படும் என அறிவிக்கப்பட்டுள்ளது. இந்த டீசரான 48 விநாடிகள் நேரம் கொண்டதாக இருக்கும் என எதிர்ப்பார்க்கபடுகிறது.
