நீல்கிரிஸ் ட்ரீம் என்டர்டைன்மெண்ட் முருகன் தயாரிக்கும் திரைப்படம் கூத்தன். இதில் புதுமுக நாயகனாக நடிக்கிறார் ராஜ்குமார். பாலாஜி இசையமைக்க எழுதி இயக்குகிறார் ஏ.எஸ். வெங்கி. இந்தப் படத்தில் டி.ஆர். மங்கிஸ்தா கிங்கிஸ்தா என்று ஒரு பாடலை பாடிக் கொடுத்துள்ளார்.
கூத்தன் படக்குழு ஒரு பாடலை பாடித்தர சொல்லி டி.ஆரை அணுகியுள்ளது. அதற்கு அவர் பாட முடியாது என மறுத்துள்ளார். மீண்டும் மெட்டை போட்டுக் காட்டிய உடன் பாட ஒப்புக் கொண்டிருக்கிறார். பாடலை பாடி விட்டு சூப்பர் ஹிட் ஆகக்கூடிய மெட்டும் வரியும் தனக்குப் பிடித்திருந்ததாக கூறியிருக்கிறார். உடனே இசையமைப்பாளர் பாலாஜி, ” நீங்கள் இந்தப் பாடலை பாடவேண்டும் என நினைத்து கொண்டே இதற்கு நான் இசையமைத்தேன். வேறு யாரையும் வைத்து இப்பாடலை ஓலிப்பதிவு செய்யும் விருப்பமில்லை” என்று கூறியிருக்கிறார். அதற்கு "ஒண்ணும் இல்ல ரத்தத்தில சொந்தம்தான்டா மொத்தத்தில என்ற வரியை நான் பாடவில்லை மைக்கின் முன் தத்ருபமாக நடித்திருக்கிறேன்” என்று குறிப்பிட்டிருக்கிறார் டி.ஆர்.
