சிவகார்த்திகேயன், நயன்தாரா முதன்முதலாக இணைந்து நடிக்கும் படம் வேலைக்காரன். தனிஒருவன் என்ற வெற்றி படத்தை தொடர்ந்து மோகன் ராஜா இயக்கும் இப்படத்திற்கு அனிருத் இசையமைத்துள்ளார்.
அண்மையில் தான் மலையாள நடிகர் பகத் பாசில் பிறந்தநாள் ஸ்பெஷலாக புதிய போஸ்டர் ஒன்று வெளியாகி இருந்தது. இந்த நிலையில் இப்படத்தின் டீஸர் வரும் திங்கம் ஆகஸ்ட் 14ம் தேதி மாலை 6 மணியளவில் வெளியாக இருப்பதாக தயாரிப்பு நிறுவனமான 24 ஏஎம் ஸ்டுடியோ அதிகாரப்பூர்வமாக அறிவித்துள்ளனர். சிவகார்த்திகேயன், நயன்தாரா, பகத்பாசில், சினேகா, பிரகாஷ்ராஜ், தம்பி ராமையா, ரோபோ சங்கர் உள்ளிட்டோர் நடித்த இப்படம் ஆயுதபூஜை அன்று வெளியாக இருக்கிறது.
