தாய்லாந்தில் நடப்பதாக இருந்த அன்பானவன் அசராதவன், அடங்காதவன் ஷூட்டிங் கேன்சல் செய்யப்பட்டுள்ளதாகப் படக்குழு தெரிவித்துள்ளது.
ஆதிக் ரவிச்சந்திரன் இயக்கத்தில் சிம்பு மூன்றுவேடத்தில் நடிக்கும் படம், ’அன்பானவன் அசராதவன், அடங்காதவன்’. சிம்பு ஜோடியாக ஸ்ரேயா, தமன்னா, சனாகான் நடிக்கின்றனர். கடந்த வருடம் தொடங்கிய இதன் படப்பிடிப்பு இன்னும் முடியாமல் நீண்டுகொண்டே இருக்கிறது. இதற்கிடையே இதன் இறுதிக்கட்டப் படப்பிடிப்பு தாய்லாந்தில் நடப்பதாக இருந்தது. இதற்காக படக்குழு அங்கு சென்றது. அங்கு சில குறிப்பிட்ட இடங்களில் படப்பிடிப்பு நடத்த அனுமதி தரவில்லையாம். இதையடுத்து சென்னை திரும்பிய படக்குழு, இப்போது ஐதராபாத் ராமோஜி ராவ் பிலிம் சிட்டியில் படப்பிடிப்பு நடத்த முடிவு செய்துள்ளது.
