இயக்குநர் அமர் கௌசிக் இயக்கத்தில் 2018-ம் ஆண்டு ஹாரர்-காமெடி திரைப்படமாக வெளிவந்தது “ஸ்ட்ரீ (Stree)" படம். அதன் இரண்டாம் பாகமாக ஷ்ரத்தா கபூர் மற்றும் ராஜ்குமார் ராவ் நடிப்பில் வெளிவெந்திருக்கும் ஸ்ட்ரீ 2 திரைப்படம் ரசிகர்களின் அதிகப்படியான வரவேற்பை பெற்றுள்ளது.
மர்மப் பெண்ணான ஷ்ரத்தா கபூரை காதலிக்கும் ராஜ்குமார் ராவ் மற்றும் அவரின் நண்பர்கள் குழுவைச்சுற்றி நடக்கும் கதைக்களத்தை கொண்டிருக்கும் ஸ்ட்ரீ 2 திரைப்படம், ஆகஸ்ட் 15ம் தேதி வெளியானது. அக்ஷய் குமாரின் கேல் கேல் மெய்ன் மற்றும் ஜான் ஆபிரகாமின் வேதா திரைப்படங்களுடன் திரையில் மோதிய ஸ்ட்ரீ 2, பாசிட்டிவ் விமர்சனங்களுடன் பார்வையாளர்களின் சிறந்த தேர்வாக மாறியுள்ளது. அதுமட்டுமில்லாமல் வசூல்வேட்டையையும் நடத்திவரும் இத்திரைப்படம், 4 நாட்கள் முடிவில் உலகம் முழுவதும் ரூ.204 கோடி வசூல்செய்துள்ளதாக தகவல் வெளியாகியுள்ளது.
ஆகஸ்டு 15ம் தேதி வெளியான ஸ்ட்ரீ 2 திரைப்படம், வெளியான பிறகான பாசிட்டிவ் விமர்சனங்களுக்கு பிறகு முதல் நாள் வசூலை விட வார இறுதியில் அதிகப்படியான வசூலை ஈட்டியுள்ளதாக தகவல் வெளியாகியுள்ளது.
இதையும் படிக்க: புஷ்பா ஃபகத் ஃபாசிலை தூக்கி சாப்பிடும் SJ சூர்யா! - நானியின் SURYA'S SATURDAY பட ட்ரெய்லர் வெளியீடு!
வர்த்தக நிபுணர் தரண் ஆதர்ஷின் கூற்றுப்படி, ஞாயிற்றுக்கிழமை அன்று ஸ்ட்ரீ 2 திரைப்படம் ரூ.58.20 கோடி வசூலித்துள்ளது. இது படத்தின் முதல் நாள் வசூலை விட அதிகம். இந்த வசூல் மூலம் Stree 2 திரைப்படமானது ரூ. 200 கோடி கிளப்பில் இணைந்துள்ளதாக தெரிவித்துள்ளார்.
எக்ஸ் தளத்தில் பகிர்ந்திருக்கும் அவர், “இதை புயல் அல்லது சுனாமி அல்லது டைபூன்... என்று எப்படிவேண்டுமானாலும் அழைக்கலாம். ஏனெனில் Stree 2 திரைப்படம் ஒரு பரபரப்பான வார இறுதியை பதிவு செய்துள்ளது. இதனால் ஸ்ட்ரீ 2 உடன் மோதிய இரண்டு பெரிய இந்தி படங்களான கேல் கேல் மெய்ன் மற்றும் வேதா இரண்டும் கடுமையாக பாதிக்கப்பட்டன. Stree 2 வெறும் 4 நாட்களில் 200கோடி ரூபாயை வசூல் செய்து இரட்டை சதமடித்துள்ளது. இது மிகப்பெரிய நடிகர்களின் படத்தை தவிர்த்து நடுத்தர அளவிலான திரைப்படத்திற்கான வரலாற்று சாதனையாகும்” என்று பதிவிட்டுள்ளார்.
மேலும் வசூல் ரீதியாக, புதன்கிழமை பிரிவியூ ஷோ ரூ.9.40 கோடி, வியாழன் அன்று ரூ.55.40 கோடி, வெள்ளி ரூ.35.30 கோடி, சனிகிழமை ரூ45.70 கோடி மற்றும் ஞாயிறுகிழமையில் 58.20 கோடியாக 4 நாட்களில் மொத்தம் ரூ.204 கோடி வசூல் செய்துள்ளதாக குறிப்பிடப்பட்டுள்ளது.
இதையும் படிக்க: அமீர் கானுடன் இணையும் லோகேஷ் கனகராஜ்..? பான் இந்தியா படமாக உருவாக்க திட்டம்! வெளியான மாஸ் அப்டேட்!
மேலும் இன்று ரக்ஷ பந்தன் காரணமாக வட இந்தியாவில் பல இடங்களில் விடுமுறை என்பதால், ‘ஸ்ட்ரீ 2’ படமானது ஹிருத்திக் ரோஷன் மற்றும் தீபிகா படுகோன் நடித்த ஃபைட்டரின் வாழ்நாள் பாக்ஸ் ஆபிஸ் வசூலை ஐந்து நாட்களில் முறியடிக்கும் என்றும், கல்கி 2898AD-ன் ஹிந்தி பாக்ஸ் ஆபிஸ் வசூலை மிஞ்சும் வாய்ப்பையும் கொண்டுள்ளது என்றும் கூறப்படுகிறது.
