இயக்குனர் சுசிகணேசன் இயக்கத்தில் உருவாகியுள்ள திருட்டுப்பயலே-2 படத்தின் ஆடியோ செப்டம்பர் 1 ஆம் தேதி வெளியாக இருப்பதாக அறிவிக்கப்பட்டுள்ளது.
சுசிகணேசன் இயக்கத்தில் 2006 ஆம் ஆண்டு வெளியான திருட்டுப்பயலே படத்தில் நடிகர் ஜீவன், சோனியா அகர்வால் மற்றும் மாளவிகா ஆகியோர் நடித்திருந்தனர். இதையடுத்து இப்படத்தின் இரண்டாம் பாகமாக உருவாகியுள்ள திருட்டுப்பயலே-2 படத்தின் ஃபர்ஸ்ட் லுக் போஸ்டரை, நடிகர் விஜய் சேதுபதி சில வாரங்களுக்கு முன் வெளியிட்டுள்ளார்.
இப்படத்தில் பாபிசிம்ஹா, அமலாபால் உள்ளிட்ட நடிகர், நடிகைகள் நடித்துள்ளனர். ஏஜிஎஸ் எண்டர்டெயின்மெண்ட் தயாரித்துள்ள இந்தப்படத்திற்கு வித்யாசாகர் இசையமைத்துள்ளார். இந்தப்படத்தின் ஆடியோ செப்டம்பர் 1 ஆம் தேதி ஃபோரோம் மாலில் மாலை 7:00 மணிக்கு வெளியிட உள்ளதாக அதிகாரப்பூர்வமாக அறிவிக்கப்பட்டுள்ளது.
