நடிகை ரெஜினா இந்திப் படத்தில் அறிமுகமாகிறார். இதில் அவர் சோனம் கபூருடன் நடிக்கின்றார்.
தமிழில், கேடி பில்லா கில்லாடி ரங்கா, நிர்ணயம், ராஜதந்திரம், மாநகரம் உட்பட சில படங்களில் நடித்தவர் ரெஜினா கஸாண்ட்ரா. தெலுங்கில் கவனம் செலுத்தி வரும் அவர், தமிழில், நெஞ்சம் மறப்பதில்லை, பார்ட்டி, மிஸ்டர் சந்திரமவுலி ஆகிய படங்களில் இப்போது நடித்துவருகிறார். இவர் அடுத்து இந்தி படம் ஒன்றில் நடிக்கிறார்.
அறிமுக இயக்குனர் ஷெல்லி சோப்ரா தர் இயக்கும் படம், ’ஏக் லடிக்கி கோ தேகா தோ ஹைசா லகா’. இதில் இந்தி நடிகர் அனில் கபூரும் அவர் மகள் சோனம் கபூரும் முக்கிய வேடத்தில் நடிக்கின்றனர். ராஜ்குமார் ராவ் ஹீரோவாக நடிக்கிறார். இதில் ரெஜினா இன்னொரு ஹீரோயினாக நடிக்கிறார்.
ரெஜினி ஏற்கனவே, ’ஆங்கன் 2’ என்ற இந்தி படத்தில் அறிமுகமாவதாக இருந்தது. இதில் அமிதாப், அர்ஜுன் ராம்பால் ஆகியோர் நடிக்க இருந்தனர். ஆனால், இந்தப் படம் தொடங்கப்படவில்லை.
