பொங்கலுக்கு வெளிவர இருக்கும் ’மாஸ்டர்' ஹீரோயின் மாளவிகா மோகனன், ’ஈஸ்வரன்’, ‘பூமி’ படங்களில் ஹீரோயினாக நடித்துள்ள நிதி அகர்வால் இருவருக்கும் பின்னணி குரல் கொடுத்திருக்கிறார், நடிகை ரவீனா ரவி.
விஜய்யின் ‘மாஸ்டர்’ படமும், சிம்புவின் ’ஈஸ்வரன்’ படமும் ஜெயம் ரவியின் ‘பூமி’ படமும் பொங்கலையொட்டி வெளியாகிறது. மாஸ்டரில் விஜய்க்கு ஜோடியாக மாளவிகா மோகனன் நடித்துள்ளார். ஈஸ்வரன் பூமி படங்களில் ஹீரோயினாக நிதி அகர்வால் நடித்துள்ளார். இவர்கள் இருவருக்கும் மூன்று படத்திலும் பின்னணி குரல் கொடுத்திருக்கிறார், ரவீனா ரவி.’
ஏற்கனவே, நயன்தாரா, எமி ஜாக்சன், சமந்தா, அமலா பால் உள்ளிட்ட முன்னணி நடிகைகளுக்கு டப்பிங் கொடுத்துள்ள ரவீனா ரவி. விமர்சன ரீதியாக பாராட்டுகளைக் குவித்த ’ஒரு கிடாரியின் கருணை மனு’ மற்றும் ’காவல்துறை உங்கள் நண்பன்’ படங்களில் ஹீரோயினாக நடித்தவர் என்பது குறிப்பிடத்தக்கது.
