ரேஸ் - 3 திரைப்படம் வெளியான ஒருவாரத்தில் 255 கோடி ரூபாய் வசூலை ஈட்டியுள்ளது.
நடனக் கலைஞர் ரிமோ டிஸோசா இயக்கத்தில் சல்மான் நடிப்பில் வெளியான படம் ரேஸ்-3. அதிரடி காட்சிகள் அதிகம் நிறைந்த படமாக உருவாகி இருக்கும் இப்படத்தில் அவருக்கு ஜோடியாக ஜாக்குலின் ஃபெர்னாண்டஸ் நடித்துள்ளார். அனில் கபூர் உள்ளிட்ட நட்சத்திரங்கள் முக்கிய பாத்திரத்தில் நடித்துள்ளனர். இந்தப்படம் ரம்ஜான் பண்டிகை அன்று திரைக்கு வந்தது. நல்ல விமர்சனங்களை பெற்றுள்ள இத்திரைப்படம் வெளியான முதல் மூன்று நாட்களில் 100 கோடி ரூபாய் வசூலை எட்டி சாதனை படைத்தது.
தனது வசூல் வேட்டையை தொடரும் ரேஸ் - 3 வரும் காலங்களில் 400 கோடி ரூபாய் வசூலை எட்டி விடும் என எதிர்பார்க்கப்படுகிறது. இதன் மூலம் சல்மானின் முந்தைய சாதனை படங்களான தபாங், பாடிகார்ட், ஏக் தா டைகர் வரிசையில் ரேஸ் - 3 இணையும் என எதிர்பார்க்கப்படுகிறது. அதுமட்டுமின்றி, 13ஆவது முறையாக 100 கோடியை எட்டிய முதல் இந்திய நடிகர் சல்மான்கான் என்ற பெருமையை பெற்றுள்ளார்.
