தாஜ் மஹாலை எப்போது இடிக்கப்போகிறீர்கள்? என்று மத்திய அரசை கண்டித்து நடிகர் பிரகாஷ் ராஜ் தனது ட்விட்டர் பக்கத்தில் கருத்திட்டு உள்ளார்.
கவுரி லங்கேஷ் கொலைக்குப் பிறகு மத்திய அரசுக்கு எதிராக தனது கருத்துகளை தொடர்ந்து பிரகாஷ் ராஜ் முன் வைத்து வருகிறார். இந்நிலையில் இப்போது தாஜ் மஹால் விவகாரம் குறித்து, “ உலக அதிசயமாக கருதப்படும் தாஜ் மஹால் நம் எதிர்காலத்தின் கடந்தகால நினைவாக மாறிவிடுமா? தாஜ் மஹாலின் அடித்தளம் அருகில் நீங்கள் தோண்ட ஆரம்பித்துவிட்டீர்கள். எப்போது அதை இடிக்க திட்டமிட்டுள்ளீர்கள்? குறைந்தபட்சம் எங்கள் குழந்தைகளை இறுதியாக தாஜ் மஹாலை காண அழைத்து செல்வோமா?” என்றும் விமர்சித்துள்ளார்.
