கன்னட இயக்குநர் பிரஷாந்த் ராஜுடன் இணைந்திருக்கும் ’சந்தானம் 15’ படத்தின் பாடல் பதிவு இன்று பூஜையுடன் தொடங்கியது.
’வஞ்சகர் உலகம்’ படத்தின் மூலம் கவனம் ஈர்த்த மனோஜ் பீதா இயக்கத்தில் ‘ஏஜெண்ட் கண்ணாயிரம்’ படத்தில் நடித்துவரும் சந்தானம் தமிழ், அடுத்ததாக கன்னடத்தில் உருவாகும்‘சந்தானம் 15’ படத்தில் நடித்து வருகிறார். பை லிங்குவல் படமாக உருவாகும் இப்படத்தினை கன்னட இயக்குநர் பிரஷாந்த் ராஜ் இயக்குகிறார். இந்த நிலையில், அர்ஜுன் ஜன்யா இசையமைக்கும் இப்படத்தின் பாடல் பதிவு இன்று பூஜையுடன் தொடங்கியது.
கடந்த 2009 ஆம் ஆண்டு தனது முதல் படமான ‘லவ் குரு’ படத்திற்காக சிறந்த இயக்குநருக்கான ஃபிலிம் ஃபேர் விருது, கர்நாடக அரசின் மாநில விருதுகளை வென்றுள்ள இயக்குநர் பிஷாந்த் ராஜ் பெரும்பாலும் நகைச்சுவைத் திரைப்படங்களையே இயக்கியுள்ளார். தற்போது, முதன்முறையாக தமிழ், கன்னடத்தில் உருவாகும் தென்னிந்தியப் படத்தினை இயக்குகிறார். சந்தானம் நடிப்பில் விரைவில் ‘சர்வர் சுந்தரம்’ வெளியாகவுள்ளது குறிப்பிடத்தக்கது.
