மார்க்கிற்கு போட்டியாக மாறும் சீதா.. அடுத்து நடக்கப் போவது என்ன? தவமாய் தவமிருந்து ஸ்பெஷல் எபிசோட் அப்டேட் இதோ...!
ஜீ தமிழ் தொலைக்காட்சியில் திங்கள் முதல் சனி வரை தினமும் மாலை 6 மணிக்கு ஒளிபரப்பாகி வரும் பிரபலமான சீரியல் ‘தவமாய் தவமிருந்து’ தொடர், நாளுக்கு நாள் விறுவிறுப்பாக ஒளிபரப்பாகி வருகிறது. இந்த சீரியலின் ஸ்பெஷல் எபிசோட் வரும் ஞாயிறு மதியம் 1 மணிக்கு ஒளிபரப்பாக உள்ளது. இதில் நடக்க போவது என்ன? அப்டேட் இதோ...
சீரியலில் மார்க், சீதா இருவருக்கும் இடையே பிரிவு ஏற்பட்டுள்ள நிலையில் கோயிலில் சமையல் கான்ட்ராக்ட் ஒன்று அவர்களுக்கு வருகிறது. இந்த கான்ட்ராக்டை பெறுவதற்கு மார்க் மற்றும் சீதா இருவரும் முயற்சி செய்ய, இதனால் இருவருக்கும் இடையே போட்டி உருவாகிறது.
மார்க் சீதா இருவருக்குமிடையே சமையல் போட்டி ஒன்றை வைத்து நன்றாக சமைப்பவருக்கு கான்ட்ராக்ட் கொடுக்க கோவில் நிர்வாகம் முடிவு செய்கிறது. மார்க் சமையல் செய்ய கோயிலுக்கு வந்து கொண்டு இருக்கும் சமயம், தணிகா காரில் வந்து மார்க்கை மோத திட்டமிட... தவறுதலாக வேறொரு பெண்ணை மோதி விடுகிறார். அப்போது அங்கு கடவுள் முருகன் போல வரும் நடிகர் பிரஜன், “குழந்தையை நீங்க ஹாஸ்பிடல் கூட்டிட்டு போங்க” என சொல்வதால், மார்க் ஹாஸ்பிடல் செல்கிறார். இதனால் ’இங்கு சமையல் செய்ய மார்க் வர மாட்டார்’ என ராஜா சந்தோஷத்தில் இருக்கிறார்.
இந்த நிலையில் மார்க்-கிற்கு பதிலாக, முருகனாக வந்த பிரஜன் சமையல் செய்கிறார். மறுபக்கம் மார்க்குடன் இருக்கும் குழந்தை, அமைச்சரொருவரின் குழந்தை என தெரிய வருகிறது. குழந்தையை அமைச்சர் குடும்பத்திடம் ஒப்படைத்து விட்டு கோயிலுக்கு வரும் மார்க், அங்கு அவருக்கு பதிலாக முருகன் சமைத்திருப்பதை பார்த்து சந்தோஷப்படுகிறார். கடைசியில் மார்க் சமையல் நன்றாக இருப்பதாக காண்ட்ராக்டர்கள் சொல்ல, ராஜா மார்க் சமைக்கவே இல்லை என பிரச்சனை செய்கிறான்.
அடுத்து என்ன நடக்க இருக்கிறது ? என்ற கோணத்தில் தவமாய் தவமிருந்து சீரியல் ஸ்பெஷல் எபிசோட் வரும் ஞாயிறு மதியம் 1 மணிக்கு ஒளிபரப்பாக உள்ளது. இந்த ஸ்பெஷல் எபிசோடை காணத்தவறாதீர்கள்.
